के पी शर्मा ओली सोमार के चउथा बेर नेपाल के प्रधानमंत्री के शपथ लेले। नेपाल के सबसे बड़ कम्युनिस्ट पार्टी के नेता के राष्ट्रपति राम चंद्र पौडेल अतवार के दिने नेपाल के प्रधानमंत्री नियुक्त कइले बाड़न जवना से हिमालयन राष्ट्र में राजनीतिक स्थिरता देबे के कठिन चुनौती के सामना करे के पड़त बा. बियफे के दिने प्रतिनिधि सभा में विश्वास वोट हारल पुष्पकमल दाहाल ‘प्रचंड’ के जगहा 72 बरीस के ओली अइहें. जेकरा बाद केपी शर्मा ओली के नेतृत्व में नया सरकार बनल।
नेपाली कांग्रेस से समर्थन मिलल
संसद के सबसे बड़ पार्टी नेपाली कांग्रेस के समर्थन से केपी शर्मा ओली प्रधानमंत्री बनल बाड़े। राष्ट्रपति भवन के मुख्य भवन शीतल निवास में ओली के शपथ राष्ट्रपति पौडेल द्वारा दिहल गईल। अब ओली के संवैधानिक जनादेश के मुताबिक नियुक्ति के 30 दिन के भीतर संसद से विश्वास वोट लेवे के होई। 275 सीट वाला प्रतिनिधि सभा में ओली के कम से कम 138 वोट के जरूरत पड़ी.
