मध्य प्रदेश के झाबुआ में एगो बड़हन सड़क हादसा हो गइल बा. एगो टैंकर आ एगो कार के बीच भइल भयानक टक्कर में 9 लोग के मउत हो गइल. मरेवाला सभे एकही परिवार के सदस्य रहले। जानकारी के मुताबिक गाड़ी में सवार परिवार बियाह के रस्म से लवटत रहे। एही बीच मेघनगर थाना क्षेत्र के सजेली गेट के लगे कार ट्रक से टकरा गईल। टक्कर एतना भयंकर रहे कि गाड़ी के टुकड़ा-टुकड़ा हो गईल। मरेवाला में 2 पुरुष, 3 महिला अवुरी 4 बच्चा शामिल बाड़े। सभे एके परिवार के सदस्य रहले।
जानकारी के मुताबिक झाबुआ जिला के थांदला थाना के नोगावा चौकी से कुछ दूरी पs सजेली गेट के नजदीक एगो टैंकर अवुरी एगो कार के टक्कर हो गईल। एs दुर्घटना में कार में सवार 9 लोग के मौका पs मौत हो गईल जबकि दु लईकी घाही हो गईली। घाही लईकिन के गांव के लोग नजदीक के अस्पताल में भर्ती करावल गइल बा।
इहो पढ़ीं: सबेरे-सबेरे: आंख के बनावल चाहत बानी खूबसूरत आ तेज तs रोज करीं इs 3 गो योगासन
