सेंट्रल डेस्क। इस्राइल सुरक्षा बल भारत के अंतरराष्ट्रीय सीमा के गलत नक्शा पोस्ट करे खातिर माफी मांग लेले बिया। नक्शा में जम्मू आ कश्मीर के पाकिस्तान के हिस्सा देखावल गइल रहे। आईडीएफ गलती के एहसास करत कहलस कि नक्शा सीमा के सटीक रूप से चित्रित करे में विफल रहल। हालांकि, ऊ दावा कइलस कि ई खाली इलाका के चित्रण रहे।
आईडीएफ के पोस्ट भारतीय अकाउंट के ओर से कइल गइल ट्वीट के बाद आइल। कइयन गो भारतीय अकाउंट्स से ममिला के लेके नाराजगी जतावल गइल रहे। उ लोग एह गलती के इस्राइल के सामने रखलस आ गलती के एहसास करावत इस्राइली सेना से पोस्ट के वापस लेवे के बात कहल। कुछ लोग तs इस्राइल के प्रधानमंत्री बेंजामिन नेतन्याहू कs टैग कइलस।
भारतीय राइट विंग कम्युनिटी नाम के एगो ‘एक्स’ हैंडल के ओर से कइल गइल अइसने एगो ट्वीट पs सीधा प्रतिक्रिया देत इस्राइल रक्षा बल कहलस कि ई पोस्ट क्षेत्र के चित्रण बा। ई नक्शा सीमा के सटीक रूप से चित्रित करे में विफल रहल बा। हमनी के कवनो तरे के गलती आ अपराध खातिर क्षमा चाहत बानी सs। ई माफी मूल पोस्ट के लगभग 90 मिनट बाद आइल। दरअसल, पहिले शिकायतकर्ता कहले रहस कि अब रउआ समझ गइल हो कि भारत तटस्थ काहे रहेला। कूटनीति में केहूओ वास्तव में राउर मित्र नइखे।
Read Also : Jammu Kashmir : रियासी में एनएच-144 के लगे जंगल में लागल भीषण आग, अग्निशमन प्रयास जारी
