भारतीय रेलवे : 21 जून से शुरू होई रामायण यात्रा

अगर रऊवो कोरोना केस कम भईला के बाद लमहर टूर के योजना बनावत बानी त इ खबर आपके काम के बा। जी हाँ, ‘भारत गौरव’ टूरिस्ट ट्रेन आईआरसीटीसी के ओर से शुरू कईल जाता। एह ट्रेन से भगवान राम के भक्तन के रामायण सर्किट पर अयोध्या, जनकपुर (नेपाल), सीतामढ़ी, वाराणसी, नासिक आ रामेश्वरम घूमे के मौका मिली.

8 हजार किलोमीटर के सफर 18 दिन में पूरा हो जाई

रेलवे के दिहल जानकारी के मुताबिक 8000 किलोमीटर लंबा सर्किट प ए यात्रा में 18 दिन के समय लागी। सफर दिल्ली से शुरू होई। बुकिंग के सुविधा देवे खातिर रेलवे के ओर से ईएमआई विकल्प भी पेश कईल गईल बा। ईएमआई विकल्प के तहत रउआ एह दौरा खातिर किस्त में बुकिंग कर सकेनी।

पैकेज 62,370 रुपए से शुरू हो रहल बा

एकरा अलावे रेलवे के ओर से बतावल गईल कि श्री रामायण यात्रा खाती एक आदमी के टिकट के कीमत 62,370 रुपया से शुरू होई। रेलवे के ओर से लिहल गईल चार्ज में सबकुछ शामिल होई। एहमें 3एसी टीयर चार्ज, होटल में ठहरल, खाना, लोकल बस दर्शन, यात्रा बीमा आ गाइड सेवा शामिल बा.

इन्फोटेनमेंट सिस्टम भी बा

आईआरसीटीसी पर्यटकन के ईएमआई विकल्प देबे खातिर पेटीएम आ रेजरपे पेमेंट गेटवे से जुड़ल बा. ट्रेन में सामान रखे खातिर दू गो अतिरिक्त डिब्बा बनावल जाई. संगही, पकावल शाकाहारी खाना खाती अलग पेंट्री कार होई। एकरा अलावे हरेक कोच में इन्फोटेनमेंट सिस्टम, सीसीटीवी कैमरा अवुरी सुरक्षा गार्ड भी होई।

600 यात्री के क्षमता बा

भारत गौरव यात्रा के पहिला ट्रेन सेवा 21 जून से शुरू होई। एह ट्रेन में 600 यात्री के क्षमता वाला 11 गो 3एसी टीयर कोच होखीहें. इ ट्रेन सबसे पहिले अयोध्या स्टेशन प रुकी। इहाँ आप नंदीग्राम के राम जन्मभूमि मंदिर, हनुमान मंदिर, भारत मंदिर जाइब। अगिला पड़ाव बक्सर होई, जहां महर्षि विश्वामित्र के आश्रम अवुरी राम रेखा घाट देखावल जाई।

बनारस मंदिर घूमे के मौका मिलल

एकरा बाद ट्रेन जनकपुर (नेपाल) जाई। एहिजा पर्यटकन के राम-जानकी मंदिर ले जाइल जाई. एकरा संगे-संगे उनुका के सीता के जन्मस्थान सीतामढ़ी ले जाइल जाई। ओकरा बाद ट्रेन वाराणसी आई आ एहिजा पर्यटकन के बनारस के मंदिरन में ले जाइल जाई. वाराणसी, प्रयागराज आ चित्रकूट में रात के ठहरला के इंतजाम बा।

इहओ के दौरा करइहे

एकरा बाद अगिला चरण में ट्रेन नासिक से त्र्यंबकेश्वर मंदिर अवुरी पंचवती के दर्शन करे खाती रवाना होई। नासिक के बाद किष्किन्धा प्राचीन नगरी हम्पी होई। इहाँ मेहमान आंजनेयाद्री पहाड़ी के चोटी पर हनुमान के जन्मस्थान मानल जाए वाला मंदिर आ अउरी धरोहर आ धार्मिक स्थल सभ के दौरा करीहें। यात्रा के अगिला गंतव्य रामेश्वरम होई, जवना में रामानाथस्वामी मंदिर अवुरी धनुषकोड़ी के शामिल कईल जाई, जवना में रात भर होटल में ठहरल जाई।

एकरा अलावे यात्री लोग के कांचीपुरम ले जाइल जाई जहवाँ शिव कांची, विष्णु कांची आ कामाक्षी मंदिर दिन के यात्रा पर बा. इहाँ से ट्रेन के अंतिम गंतव्य तेलंगाना के भद्राचलम बा, जवना के व्यापक रूप से दक्षिण के अयोध्या के नाम से भी जानल जाला। एकरा बाद इ ट्रेन अपना यात्रा के 18वां दिन करीब 8000 किलोमीटर के दूरी तय करत दिल्ली लवट आई।