हिमाचल प्रदेश विधानसभा चुनाव में एह बेर बड़ा उलटफेर होत दिखाई दे रहल बा। इहां मुख्यमंत्री जयराम ठाकुर के प्रतिष्ठा दांव पर लागल बा। अभिन ले सोझे आइल रुझान अउर नतीजा में जयराम कैबिनेट के मंत्रियन के हालत खराब बा। छह मंत्री अभीनो अपनिये सीट पर पीछे बानें जबकि तीन मंत्री हार गइल बानें।
हालांकि, मुख्यमंत्री जयराम ठाकुर सेराज सीट से बढ़त बनवले बानें। लाहौल स्पीति में कांग्रेस के रवि ठाकुर जीत गइल बानें। ऊ तकनीकी शिक्षा मंत्री रामलाल मरकाण्डा के हरा दिहले बानें। मंत्री सुरेश भारद्वाजो आपन सीट हार गइल बानें।जयराम कैबिनेट में सामाजिक न्याय अउर अधिकारिता मंत्रालय के जिम्मेदारी संभाल रहल सरवीन एह चुनाव में हार गइली। उद्योग मंत्री बिक्रम सिंह पहिले आगे चलत रहनें लेकिन उहो अब अपने सीट से पीछे चल रहल बानें।
बता देईं, विधानसभा चुनाव में एह बेर सूबे के 68 सीट पर कुल 412 प्रत्याशी मैदान मे रहनें। एह प्रत्याशियन में जयराम कैबिनेट के 11 मंत्री चुनाव लड़ल रहनें। आई जानल जाव सीएम जयराम ठाकुर समेत कैबिनेट मंत्रियन के सीट के हाल….