देश के राजधानी दिल्ली में बुध के भारी बरखा भईल। खबर के मुताबिक मौसम विभाग भी भारी बरखा के बाद येलो अलर्ट जारी कs देले बा। बता दीं कि पिछला 2-3 दिन से दिल्ली के लोग नमी के चलते परेशान रहे, एही से बरखा से निश्चित रूप से कुछ राहत मिलल बा। बता दीं कि मौसम विभाग राष्ट्रीय राजधानी में बरखा के अंदाजा लगा चुकल रहे। बुध के दिने न्यूनतम तापमान 25.2 डिग्री सेल्सियस दर्ज भइल आ मौसम विभाग एह दिन बरखा आ गरज के अंदाजा लगवले रहुवे. एकरा से पहिले मंगल के बहुत दिन बाद दुपहरिया में तेज सूरज के रोशनी रहे जवना के चलते लोग बहुत गरमी अवुरी नमी महसूस करत रहले।
मौसम विभाग बुध के सापेक्षिक आर्द्रता के स्तर 85 प्रतिशत दर्ज कईलस अवुरी शहर खातीर ‘यलो अलर्ट’ जारी कs देलस। ‘यलो अलर्ट’ खराब मौसम आ हालात अउरी बिगड़ला के संभावना के संकेत देत बा जवना से परिचालन में बाधा आ सकेला. मौसम विभाग देश में मौसम अलर्ट जारी करे खातिर चार रंग के इस्तेमाल करेला। ‘ग्रीन’ के मतलब बा कि कवनो कार्रवाई के जरूरत नइखे, ‘यलो अलर्ट’ के मतलब बा कि नजर आ निगरानी राखीं, ऑरेंज अलर्ट के मतलब बा कि तइयार रहे के बा आ रेड अलर्ट के मतलब बा कि कार्रवाई/सहायता के जरूरत बा. विभाग के मुताबिक राजधानी में अधिकतम तापमान 35 डिग्री सेल्सियस के आसपास होखे के संभावना बा।
Comments are closed.