अस्पताल प्रबंधन मृत्यु प्रमाणपत्र देत विमलेश के शव के परिजन के सुपुर्द कs दिहले रहे। घर अइले के बाद परिजन अंतिम संस्कार के तैयारी करत रहलें तब्बे माई राम दुलारी विमलेश के दिल के धड़कन अइले के बात कह के अंतिम संस्कार करे से इनकार कर देहली।
तब्बे से माता-पिता ओ शव के घर के एगो कमरा में रख के देखभाल करत रहलें। घर पर विमलेश के पत्नी मिताली के अलावा विमलेश के भाई सुनील, दिनेश के परिवार भी रहत रहलें।
शुक्रवार दोपहर डिप्टी सीएमओ डॉ. ओपी गौतम के संगे स्वास्थ विभाग के टीम अउरी एसीपी कल्याणपुर दिनेश कुमार शुक्ला फोर्स संग घर पहुंचलें। टीम विमलेश के परीक्षण कs के ओके मृत घोषित कs देहलें।
