Haryana: बबीता फोगाट का बयान, कहली विनेश के राजनीति में गइल…

Sonu Kishor
पहलवान बबीता फोगाट

पहलवान बबीता फोगाट अपना बहिन विनेश फोगाट के राजनीति में प्रवेश पs पहिला बेर सार्वजनिक तौर पs प्रतिक्रिया देले बाड़ी। बबिता कहली कि विनेश के राजनीति में प्रवेश उनकर आपन फैसला हऽ, बाकिर उनका अपना गुरु पिता महाबीर फोगाट के बात सुने के चाहत रहे, जवन कि द्रोणाचार्य से सम्मानित बाड़े। गुरु हमेशा सही रास्ता देखावेले आ सिखावेले। विनेश के भटकत देख के कवनो गुरु दुखी हो जाता।

बबिता कहली कि 2028 के ओलंपिक में स्वर्ण पदक जीते के पक्का मौका रहला के बावजूद विनेश जल्दबाजी में राजनीति में उतरली। उऽ आरोप लगवली कि भूपेंद्र हुड्डा फोगाट परिवार में फूट पैदा करे में सफल भइले, बाकिर विधानसभा चुनाव में जनता सही जवाब दिही।

कांग्रेस के निशाना बनावत बबिता कहली कि पार्टी के एजेंडा हमेशा से बंटवारा आ शासन के रहल बा आ कांग्रेस परिवार के तूड़े के काम कइले बिया, बबिता कहली कि भाजपा दादरी से टिकट ना देके सही फैसला लेले बिया, आ उनका एह मामला में कवनो शिकायत नइखे। उऽ साफ कईली कि उऽ भाजपा के संगे खड़ा बाड़ी आ पार्टी के फैसला के सम्मान करतारी।

Share This Article
Follow:
एगो भोजपुरिया कलाकार, लेखक, कवि आ भोजपुरी खातिर समर्पित नवहा जे अपना माई भाखा खातिर हमेसा खाड़ रहेला। खेल आ राजनीति के खबर पढ़े खातिर हमरा से जुड़ीं खबर भोजपुरी पs। हमरा से रउआ सभे sonuyadav957670@gmail.com पs जुड़ल रहीं...