रामगढ़ताल इलाका के चिड़ियाघर के लगे बुध के दिने भइल आपसी विवाद में राजघाट के बसंतपुर मोहल्ला निवासी बारहवीं में पढ़े वाला सावन कुमार (17) के चाकू मार के हत्या कs दिहल गइल. दुपहरिया तीन बजे भईल घटना के बाद पुलिस घाही सावन के जिला अस्पताल ले गईल, जहां डॉक्टर उनुका के बीआरडी मेडिकल कॉलेज रेफर कs देले। साँझ चार बजे इलाज के दौरान उनुकर मौत हो गईल।
एs मामला में सावन के पिता रमेश कुमार के शिकायत के आधार पs पुलिस रामगढ़ गांव के तीन आरोपी विनय यादव, वीरू निषाद अवुरी अरुण निषाद के खिलाफ हत्या के मामला दर्ज कईले बिया। रामगढ़ताल थाना दू गो आरोपी विनय आ वीरू के भी गिरफ्तार कs लिहले बा। पुलिस एगो आरोपी के तलाश में छापामारी करतिया।
पुलिस के मुताबिक रामगढ़ताल इलाका के रामगढ़ गांव के अमन अवुरी आकाश के बीच विवाद चलता। कई बेर दुनों के आमने-सामने टक्कर हो चुकल बा। बुध के दिने अमन के मामा अजीत मंझरिया निवासी सावन आ पांच-छह गो अउरी लड़िका के साथे आकाश के दोस्तन के मनावे गइल रहले. आकाश के दोस्त वीरू, विनय अवुरी अरुण चिड़ियाघर के लगे एगो दोकान पs बईठ के चाय पीयत रहले।
सूचना मिलला के बाद पुलिस मौका पs पहुंचल अवुरी सावन के बीआरडी मेडिकल कॉलेज ले गईल, जहां उनुकर मौत हो गईल। पुलिस के मुताबिक वीरू के गोड़ में भी चाकू से चोट लागल बा। उनुकर इलाज जिला अस्पताल में हो चुकल बा।
