गोरखपुर। डीएवी पीजी कॉलेज, गोरखपुर में बुध के दिने राष्ट्रीय सेवा योजना (NSS) स्थापना दिवस धूमधाम से मनावल गइल। ई कार्यक्रम राष्ट्रीय सेवा योजना दयानंद इकाई के तत्वावधान में प्राचार्य प्रोफेसर शैल पांडे आ कार्यक्रम अधिकारी प्रतिभा गुप्ता के नेतृत्व में आयोजित कइल गइल।
सेवा पखवाड़ा 2025 के तहत प्रतियोगिता
कार्यक्रम में सेवा पखवाड़ा-2025 के तहत विकसित भारत, आत्मनिर्भर भारत आ डिजिटल भारत थीम पर आधारित चित्रकला प्रतियोगिता आयोजित कइल गइल। निर्णायक मंडल में डॉ. शत्रुघन सिंह, डॉ. आशाराम वर्मा, डॉ. कुलदीप कुमार द्विवेदी, डॉ. परेश सनत आ डॉ. राजेश कुमार राय सामिल रहे लोग। ओह लोगन के निर्णय अनुसार दृष्टि गुप्ता के पहिला, रिमझिम के दूसरा आ जेनिश के तीसरा स्थान मिलल।
मुख्य अतिथि के प्रेरक संदेश
कार्यक्रम में मुख्य अतिथि के रूप में गोरखपुर के प्रसिद्ध रंगकर्मी आ संचालिका रीता देवी श्रीवास्तव मौजूद रहली। ऊ स्वयंसेवकन के राष्ट्रीय सेवा योजना के आदर्श वाक्य “NOT ME, BUT YOU” के महत्व समझावत, पूरा जोश आ समर्पण के संगे काम करे के प्रेरित कइली। संगही आज के डिजिटल युग में मौलिकता आ रचनात्मकता पs जोर देवे के जरूरत बतवली।
महिला सशक्तिकरण आ सांस्कृतिक प्रस्तुति
मिशन शक्ति 5.0 के तहत अर्चना विश्वकर्मा आ आयुष मिश्रा महिला सशक्तिकरण पs कविता पेश कइल लोग। ओहिजा, रितिका, नाजिया, अंकिता आ पूर्णिमा सांस्कृतिक प्रस्तुतियन से कार्यक्रम में रंग भर दिहल लोग।
VBYLD-2026 खातिर जागरूकता
स्थापना दिवस पs कार्यक्रम अधिकारी प्रतिभा गुप्ता, सब स्वयंसेवकन के VBYLD-2026 कार्यक्रम के बारे में जानकारी दिहली आ क्विज प्रतियोगिता में भाग लेवे खातिर प्रेरित कइली।
प्राचार्य आ अतिथियन के मार्गदर्शन
प्राचार्य प्रो. शैल पांडे स्वयंसेवकन के आशीर्वाद देत, भविष्य में सक्रिय योगदान देवे खातिर प्रोत्साहित कइली। एह अवसर पs डॉ. रक्षा गुप्ता, डॉ. मनोज कुमार श्रीवास्तव सहित अमन, विनय, विवेक, आदर्श, अवनीश, सुमेर, श्रद्धा, आयुष आ वसीम सहित बहुते संख्या में स्वयंसेवक मौजूद रहे लोग।
Read Also: माइग्रेन के ट्रिगर करे वाला 10 फैक्टर, अटैक से बाचल रहे के बा तs समय रहते कs लीं पहचान
