गूगल अपना ऐप में कुछ महत्वपूर्ण बदलाव करे के योजना बनावता, जवना के बाद एंड्रॉयड डिवाइस पs देखाई देवे वाला नीचे के सर्च बार के हटावल जा सकता। इ बदलाव कंपनी के ओर से जेमिनी एआई से चलेवाला खोज में नाया फीचर जोड़े के कोशिश के बीच भइल बा।
एह अपडेट के पहिला जानकारी टिपस्टर असेंबली डीबग (एंड्रॉयड हेडलाइन) द्वारा गूगल के एंड्रॉयड संस्करण 15.32.37.28.arm64 के बीटा एप में मिलल रहे। रिपोर्ट के अनुसार, गूगल कई लेआउट पs काम कर रहल बा जवना में निचला हिस्सा में सर्च बार नइखे।
हालांकि गूगल आधिकारिक तौर पs ए बदलाव के पुष्टि नइखे कइले आ ना सर्च बार के हटावे के कवनो कारण बतवले बा, बाकिर टिपस्टर के कहनाम बा कि, नया यूआई बदलाव डेटा एनालिसिस के चलते होखता। एकर मतलब इहो नइखे कि गूगल ऐप में सर्च बार पूरा तरीका से खतम हो जाई।
नया अपडेट के असर खाली डिस्कवर सेक्शन भा संग्रह ब्राउज पs लउकी। संभव बा कि खोज विजेट उपलब्ध रही आ पहिले के तरे काम करी। इ नया बदलाव गूगल के प्ले स्टोर में डिजाइन में बड़ बदलाव कइला के बाद भइल बा, जवना में स्क्रीन के सर्च बार हटा के नीचे एगो नाया सर्च टैब जोड़ल गइल बा।
हाल ही में 9to5Google एगो रिपोर्ट में कहलस कि गूगल एगो नाया अपडेट पेश कर रहल बा, जवना से यूजर के एंड्रॉयड प सर्च बार विजेट के कस्टमाइज करे के क्षमता सीमित हो जाई। इ अपडेट सबसे पहिले पिक्सेल अवरू सैमसंग डिवाइस पs जारी कईल जाई।
Comments are closed.