खुशखबरी: अब के मोबाइल धोखाधड़ी होई तs मिली 10 हजार रुपया , जान लीं ई स्कीम

मोबाइल के माध्यम से ऑनलाइन धोखाधड़ी कइल बहुत आसान हो गइल बा। अयीसना में ट्रूकॉलर ऐप के ओर से एगो खास योजना बनावल गइल बा, जवना में उपयोगकर्ता के ऑनलाइन धोखाधड़ी से दूर राखे के कोशिश कइल जाई। संगही, जदी ट्रूकॉलर ऐप यूजर मोबाइल धोखाधड़ी के चलते पईसा काटता तs ओकरा के 10,000 रुपया दिहल जाई, हाल ही में ट्रूकॉलर के ओर से एगो नाया फीचर पेश कइल गइल बा, जवना के ट्रूकॉलर फ्रॉड इंश्योरेंस के नाम से जानल जाला। ई सेवा भारत में एंड्रॉयड आ आईओएस यूजर खातीर उपलब्ध बा।

एह फीचर के- के इस्तेमाल कर सकेला

प्रीमियम सब्सक्राइबर एह बीमा के मजा ले सकेलें। ई सालाना प्रीमियम सदस्यता में उपलब्ध बा। कुछ प्रीमियम प्लान में बीमा के बिना कवनो लागत के कवर कइल जाला।

फैमिली स्कीम के उपयोगकर्ता ,

ट्रूकॉलर के सब्सक्राइबर अपना परिवार के सदस्यन के साथे बीमा कवरेज बढ़ा सकेलें।

कइसे प्लान के एक्टिवेट करी

सबसे पहिले तs रउरा आपन ट्रूकॉलर ऐप खोले के पड़ी। एकरा बाद रउरा लेटेस्ट वर्जन डाउनलोड करे के पड़ी।

एकरा बाद रउरा बीमा विकल्प पर जाए के पड़ी। एकरा बाद ऐप सेटिंग चाहे प्रीमियम फीचर सेक्शन में फ्रॉड इंश्योरेंस के विकल्प चुने के होई।

एकरा बाद कवरेज के सक्रिय करे खातिर प्रॉम्प्ट के पालन करे के पड़ी।

का हs ट्रूकॉलर फ्रॉड इंश्योरेंस 

ए सेवा में ऑनलाइन धोखाधड़ी के स्थिति में उपयोगकर्ता के 10 हजार रुपया के बीमा कवर दिहल जाई। मतलब जदी मोबाइल के माध्यम से आपके संगे ऑनलाइन धोखाधड़ी होखता, आ रउवा एकरा के साबित कs देनी त ट्रूकॉलर के ओर से 10 हजार रुपया के बीमा दिहल जाई। ई बीमा ट्रूकॉलर ऐप के संगे एकीकृत कइल जाई। मतलब कुछुओ ना करे के पड़ी। बशर्ते कि जदी रउरा ट्रूकॉलर प्रीमियम सदस्यता के सदस्यता लेत बानी तs रउरा के एह बीमा कवर के तहत अपने आप कवर कर दिहल जाई।

ई योजना काहें महत्वपूर्ण बा?

ट्रूकॉलर के वैश्विक स्तर पs 40 करोड़ के बड़ यूजरबेस बा, जबकि भारत में ई आंकड़ा 28.5 करोड़ बा। अइसने में ट्रूकॉलर अपना उपयोगकर्ता खातीर बीमा योजना लेके आइल बा, ताकि उपयोगकर्ता के धोखाधड़ी से बचावल जा सके। भारत में ट्रूकॉलर सब्सक्रिप्शन में साल दर साल 50 प्रतिशत के बढ़ोतरी दर्ज भइल बा।