दिल्ली मेट्रो रेल निगम बियफे के दिने क्यूआर टिकट सेवा के आसान बनावे खातिर एगो ऐप लॉन्च कइलस। अब यात्री डीएमआरसी ट्रैवल नाम के एप्प के मदद से अपना मोबाइल से क्यूआर टिकट खरीद सकेले। एकर भुगतान यूपीआई, क्रेडिट अवुरी डेबिट कार्ड अवुरी वॉलेट के माध्यम से संभव होई।
एकरा अलावे यात्री के अवरू सुविधा जईसे ट्रैवल प्लानर, किराया, स्टेशन के जानकारी अवरू स्मार्ट कार्ड रिचार्ज भी ए ऐप में उपलब्ध बा। ए ऐप से इंटरचेंज स्टेशन समेत मूल से गंतव्य तक के रूट के जानकारी भी दिहल जाई। एकरा मदद से केहू पिछला लेनदेन देख सकेला आ गंतव्य आ वापसी के यात्रा खातिर टिकट फेर से बुक कर सकेला। एकरा संगे अब आवागमन करेवाला लोग के मेट्रो टिकट खातीर लमहर कतार मे ना लागे के पड़ी। मेट्रो भवन में आयोजित एगो समारोह में डीएमआरसी के प्रबंध निदेशक डॉ विकास कुमार ए ऐप के लॉन्च कईले। कुमार कहले कि डीएमआरसी ट्रैवल ऐप के सभ प्लेटफॉर्म से डाउनलोड कईल जा सकता।
एएफसी के सभ गेट के अपग्रेड कईल जाई
डीएमआरसी अपना एएफसी गेट के 60 प्रतिशत से जादा के क्यूआर कोड स्कैनर से अपग्रेड कईले बिया अवुरी अगिला एक-दु महीना में बाकी गेट के शामिल करे के लक्ष्य रखले बिया। डीएमआरसी के प्रधान कार्यकारी निदेशक अनुज दयाल कहलन कि आवागमन करे वालन के लक्ष्य अनुकूल आ आधुनिक टिकट के सुविधा देबे के मकसद बा।
टोकन आ कार्ड के इस्तेमाल में कमी आईल
यात्री क्यूआर टिकट शुरू भईला के बाद टोकन अवुरी कार्ड से यात्रा करेवाला लोग के संख्या में कमी आईल बा। इ गिरावट लगभग 40 प्रतिशत तक पहुंच गईल बा। हालांकि क्यूआर टिकट के चलते बहुत मेट्रो स्टेशन पs कूड़ा फैलला के शिकायत भी मिलता। अयीसना में अब यात्री खुद ए ऐप के माध्यम से टिकट बुक क के यात्रा क सकेले।
