Gorakhpur News: गोरखपुर शहर के हृदयस्थली कहल जाये वाला गोलघर इस्थित इंदिरा बाल विहार पs अब पुरान कियोस्क नजर ना आई। गोरखपुर विकास प्राधिकरण (जीडीए) एह कियोस्कन के ध्वस्त कs के नया शापिंग कांप्लेक्स बनावल जा रहल बा। एकर प्रस्ताव प्राधिकरण के बोर्ड बैठक में रखल गइल रहे। जवना से बोर्ड से मंजूरी मिल गइल। अब इंदिरा बाल विहार के इस्थिति बदल जाई। नगर निगम पहिलही से इहां चटोरो गली प्रस्तावित कs चुकल बा।
जीडीए सभागार में भइल बैठक
जीडीए सभागार में बोर्ड के 127वीं बैठक भइल। बैठक में कइयन प्रस्ताव रखल गइल बा। कइयन के मंजूरी मिलल तs कुछ में संशोधन के निरदेस दिहल गइल बा। बैठक में इंदिरा बाल विहार पs नया शापिंग कांप्लेक्स के प्रस्ताव आइल तs ओकरा के मंजूरी दे दिहल गइल। रामगढ़ताल के किनारे विकसित हर्बल पार्क के आउर बेहतर बनावे के निरदेस दिहल गइल।
रामगढ़ताल किनारे बनी दुगो नया जेटी
रामगढ़ताल क्षेत्र में आवे वाला पर्यटकन के लुभावे खातिर नया जेटी बनावे पs सहमति बनल बा। जीडीए के ओर से सहारा एस्टेट के लगे एगो जेटी बनावे के प्रस्ताव बोर्ड के सोझा रखल गइल। कमिश्नर अनिल ढींगरा कहली कि एक के बजाय दुगो जेटी बनावल जाई। दूसरका जेटी चिड़ियाघर के बाउंड्री के पीछे बनावल जाई। इहां नया सवेरा के विस्तार के काम पहिलही से चल रहल बा। जेटी बनला से खूबसूरती आ बढ़ जाई।
शहर के प्रवेश द्वार के डिजाइन बदले के निरदेस
जीडीए के ओर से शहर में दुगो प्रवेश द्वार बनावे के प्रस्ताव बोर्ड के साेझा प्रस्तुत कइल गइल। एकर डिजाइन के लेके सहमति ना बन सकल। बोर्ड के अध्यक्ष कमिश्नर अनिल ढींगरा कहलें कि प्रवेश द्वार के डिजाइन बदलला के जरूरत बा। ऊ नगर नगम के डिजाइन देखे के सुझावो देलें। जीडीए के ओर से जवन डिजाइन प्रस्तुत कइल गइल रहे, ओकर लागत लगभग 25 लाख रुपिया रहे। थी। जबकि नगर निगम जवन डिजाइन बनवले बा, ओकर लागत 80 करोड़ के ऊपर आ रहल बा।
कोनी ममिला में प्रशासन से मांगल गइल आउर जमीन
कोनी में बने वाला पीएसी के हिला बटालियन के ट्रेनिंग सेंटर आ पुलिस ट्रेनिंग स्कूल खातिर मानचित्र पास करे खातिर आउर जमीन मांगल गइल बा। दरअसल जवन 60 एकड़ जमीन इहां दिहल गइल बा, जीडीए के महायोजना में ऊ ग्रीन लैंड दर्ज बा। अइसन में भू उपयोग बदले खातिर कहीं आउर एतनही जमीन देवे के बा। प्रशासन जंगल धूसड़ में जमीन देले बा बाकिर जीडीए कुछ आउर जमीन मंगले बा। एकरा के लेके पत्र लिखल गइल बा। जीडीए बैठक में बतावल गइल कि जवन जमीन मिलल बा, ओमे से कुछ हिस्सा पहिलही से ग्रीन लैंड बा एहिसे आउर जमीन चाहीं। बैठक में महादेव झारखंडी में भू उपयोग बदले खातिर शासन से पत्राचार के बात बतावल गइल।
नगर निगम के कालोनियन के हस्तांतरण से पहिले होई बैठक
बोर्ड बैठक में नगर निगम के जीडीए के कालोनियन के हस्तांतरित करे के ममिलो उठल। नगर निगम के ओर से 15 करोड़ रुपिया के डिमांड कइल गइल बा। बाकिर ई ना बतावल गइल कि 15 करोड़ कवना-कवना मद में चाहीं। कमिश्नर कहलें कि दुनो विभागन के अधिकारी आपस में बैठक कs के एकरा के तय कs लेवे लो।
खोराबार के लोगन के मिली बढ़ल मुआवजा
खोराबार में काश्तकारन को कोर्ट के आदेस के बाद बढ़ल मुआवजा मिल सकी। भूमि अर्जन पुनर्वासन प्राधिकरण (लारा) कोर्ट के ओर से दिहल गइल आदेस के अनुपालन करे के सहमति जीडीए बोर्ड बैठक में बनल बा। एकरा से उहां के काश्तकारन के फायदा होई। खोराबार के लेके एगो आउर निर्णय लिहल गइल। बोर्ड तय कइलस कि जवना लोगन के जमीन नइखे दिहल जा सकल आ उनकर जमीन योजना के बीच में बा। उनका के योजना के दूसरका चरण खातिर आरक्षित जमीन में जगह दिहल जाई।
नया गोरखपुर खातिर दुगो आउर गांवन में होई जमीन के खरीद
मुख्यमंत्री शहरी विस्तारीकरण योजना के अंतर्गत नया गोरखपुर योजना खातिर दो और राजस्व गांवों में लगभग 100 हेक्टेयर जमीन खरीदने का प्रस्ताव बोर्ड में रखा गया। बोर्ड से इस प्रस्ताव के मंजूरी दे दिहल गइल बा। जल्दिये जमीन किने के प्रक्रिया सुरू हो जाई। 3 गांवन में जमीन किने के प्रक्रिया चल रहल बा। जीडीए 6000 एकड़ में नया गोरखपुर विकसित करे जा रहल बा।
सीसीटीवी कैमरन खातिर पुलिस के दिहल जाई 20 लाख रुपिया
बोर्ड बैठक में निर्णय लिहल गइल कि शहर मे सुरक्षा के दृष्टिगत आपरेशन त्रिनेत्र के तहत कैमरा लगावे खातिर पुलिस के 20 लाख रुपिया प्रदान कइल जाई। ई धनराशि जोगदान के रूप में दिहल जाई। बैठक में वर्तमान वित्तीय वर्ष के आय-व्यय आ अगिला वित्तीय वर्ष के आय-व्यय के अनुमान प्रस्तुत कइल गइल। बोर्ड ओकर स्वीकृति प्रदान कs देलस। बैठक में कमिश्नर अनिल ढीगरा, जिलाधिकारी कृष्णा करुणेश, जीडीए उपाध्यक्ष आनन्द वर्द्धन, नगर आयुक्त गौरव सिंह सोगरवाल, सचिव उदय प्रताप सिंह, प्रभारी मुख्य अभियंता किशन सिंह आदि उपस्थित रहल लो।
Read Also:
