मानसून मे बाल के देखभाल : मानसून के मौसम शुरू हो गईल बा जहां हमनी के ए मौसम में गरमी से राहत मिलेला लेकिन एकरा संगे आवे वाला एगो समस्या बा बाल गिरल। विशेषज्ञ के मुताबिक नमी अवुरी बाल गिरल एक संगे चलेला। त जदी रउरा अपना कुछ जादा कीमती बाल खोवे के डर से बाल कंघी करे से डेरातानी त आप अकेले नईखी। कुछ लोग ए दौरान माथा पs अतिरिक्त तेल अवुरी रूसी जईसन समस्या से भी जूझत रहेले। बाल के बहुत समस्या होखेला, जवना से छुटकारा पावे खातीर महंगा हेयर मास्क अवुरी तेल पs बहुत पईसा खर्चा होखेला, लेकिन ओकरा बाद भी बाल गिरल ना रुकेला। लेकिन जदी रउरा ए समस्या से बचे के चाहतानी त आपके खानपान में तनिकाl बदलाव करे के होई। अयीसन चीज़ के सेवन करे के होई जवन कि बाल के स्वस्थ राखे में मदद क सकता।
हेल्दी, लंबा आ पोषित बाल खातीर अपने डाइट में शामिल करी ई ४ फूड्स (4 Foods You Must Include In Your Diet For Healthy, Long And Nourished Hair)
१-मेथी दाना
मेथी के दाना (या मेथी के बीज) बाल गिरला से बचावे के एगो प्राचीन उपाय ह। एहमें विटामिन ई के बढ़िया मात्रा होला जवन बाल गिरला से रोके में मदद क सकेला। एकरा में पावल जाए वाला ऑक्सीडेटिव तनाव से निपटे में भी मदद करेला, जवन कि बाल गिरला के मुख्य कारण में से एगो बा। रउआ रात में गिलास में कुछ मेथी के दाना भिगो के जल्दी उठ के एह पानी के छान के जब भी समय मिलेला त पीयत रहेनी।
२-अंडा
अंडा प्रोटीन अवुरी बायोटिन के निमन स्रोत ह, जवन कि बाल के स्वस्थ बढ़े खातीर दुनो बहुत जरूरी होखेला। बायोटिन केराटिन के उत्पादन में महत्वपूर्ण भूमिका निभावेला जवन कि बाल के बढ़े अवुरी समग्र बाल स्वास्थ्य के बढ़ावा देवे में भी मदद क सकता।
३-जामुन
भारत में जमुन के मौसम गरमी आ बरसात के मौसम में आवेला। जामुन में कई प्रकार के एंटीऑक्सीडेंट पावल जाला अवुरी विटामिन सी एकरा में भरपूर मात्रा में पावल जाला। कोलेजन के उत्पादन खातिर विटामिन सी महत्वपूर्ण होखेला। एकरा संगे कोलेजन बाल के जड़ से मजबूत करे में मदद करेला।
४-मछली
मछरी, खास तौर पs सैल्मन जईसन फैटी मछरी में प्रोटीन, विटामिन ए अवुरी ओमेगा-3 फैटी एसिड होखेला। विटामिन ए जहां सीबम के उत्पादन में मदद करेला, उहें ओमेगा-3 फैटी एसिड बाल के घनत्व बढ़ावे में मदद करेला। एकरा अलावे एकरा में विटामिन डी के थोड़ मात्रा भी होखेला, जवन कि बाल के स्वस्थ राखे में मदद करेला।
अस्वीकरण: ई लेख खाली सलाह समेत सामान्य जानकारी देले। ई कवनो तरह से योग्य चिकित्सा राय के विकल्प नइखे। अधिक जानकारी खातिर हमेशा कवनो विशेषज्ञ भा अपना डॉक्टर से सलाह लीं। खबर भोजपुरी एह जानकारी के जिम्मेदारी नइखे लेत।
