1989 बैच के आईएएस अधिकारी धर्मेंद्र के दिल्ली के नयका मुख्य सचिव बनावल गइल बा. उs एक सितंबर से प्रभार संभाल लीहे। एकरा से पहिले धर्मेंद्र अरुणाचल प्रदेश के मुख्य सचिव रहले। नरेश कुमार के जगह उनुका के इs जिम्मेदारी दिहल गईल बा। 1987 के बैच के आईएएस अधिकारी नरेश कुमार के सेवा विस्तार 31 अगस्त के खतम होखे वाला बा। नरेश कुमार के कार्यकाल केंद्र सरकार दु बेर बढ़ा दिहलस। अब उनुका के एह जिम्मेदारी से मुक्त करावल जाई आ ई पद धर्मेन्द्र के सौंपल जा रहल बा.
गृह मंत्रालय अपना आदेश में कहलस कि, सक्षम प्राधिकारी के मंजूरी से धर्मेंद्र, आईएएस (एजीएमयूटी:1989) के अरुणाचल प्रदेश से दिल्ली में स्थानांतरण 01.09.2024 चाहे प्रभार ग्रहण के तारीख से लागू हो जाला, जवन कि बाद में होखे . , जीएनसीटीडी के मुख्य सचिव के रूप में तैनात बाड़े।” निदेशक अनीस मुरलीधरन ई नियुक्ति कइले बाड़न.
दिल्ली के मुख्य सचिव के रूप में नरेश कुमार आम आदमी पार्टी के सरकार से टकराव होत रहल बाड़े। पिछला साल नवंबर में आम आदमी पार्टी नरेश कुमार पs गंभीर आरोप लगवले रहे। दिल्ली के सतर्कता मंत्री अतिशी 670 पन्ना के जांच रिपोर्ट मुख्यमंत्री अरविंद केजरीवाल के देले रहले, जवना में जमीन अधिग्रहण के मामला में मुख्य सचिव नरेश कुमार के ‘प्रथम दृष्टया मिलीभगत’ के आरोप लगावल गईल रहे। संगही, दावा कईल गईल कि एकरा से सरोकारवाला के 897 करोड़ रुपिया के अनुचित लाभ मिलता। एकरा पs कुमार पूछले रहले कि, “कवना आधार पs अयीसन आरोप लगावल गईल बा, खास तौर पs जब मुख्य सचिव पछिला साल यानी 2022 में ही पदभार संभालले रहले।” रिपोर्ट के कॉपी साझा नइखे भइल. अयीसना में केहु कवना आधार पs प्रतिक्रिया दे सकता?” रिपोर्ट के मुताबिक मंत्री निष्पक्ष जांच के रास्ता बनावे खातीर मुख्य सचिव कुमार अवुरी संभागीय आयुक्त अश्विनी कुमार के पद से हटावे के सिफारिश कईले रहले।
Comments are closed.