लापता लेडीज टीजर : आमिर खान आ किरण राव के फिल्म ‘लापता लेडीज’ के टीजर आखिरकार रिलीज हो गइल बा। फिल्म में दू गो नवही भुलाइल दुलहिन के खोज में जवन अराजकता बा ओकर झलक मिलत बा। हालही में मेकर लोग किरण राव के निर्देशन में बनल एह फिलिम के रिलीज डेट के एलान एगो रोचक पोस्टर के साथे कइले रहुवे जवन कि 5 जनवरी 2024 के बा। अब ओह उत्साह के बढ़ावे खातिर फिल्म के टीजर रिलीज एकदम सही उपहार के रूप में आइल बा। ई फिलिम भी खास हो जाला काहे कि आमिर खान आ किरण राव एकरा साथे फेर से एक साथ आ गइल बाड़े। ‘धोबी घाट’ के बाद निर्देशक के रूप में किरण के अगिला पेशकश भी बा।
देहाती भारत के दिखी झलक
एह फिल्म के टीजर बहुते मनोरंजक लागत बा, जबकि एहमें ग्रामीण भारत के झलक मिलत बा। लापता लेडीज में दू गो लापता दुलहिन के खोज के इर्द गिर्द आधारित एगो मस्ती भरल कहानी के चित्रण बा, जवन हर फ्रेम में हास्य लेके आइल बा। फिल्म के कहानी नितांशी गोयल, प्रतिभा रांटा, स्पर्श श्रीवास्तव, छाया कदम आ रवि किशन के कलाकारन से बढ़िया से सजावल गइल बा। ई टीजर सब कुछ कहत बा। कहल जा सकेला कि किरण राव एगो निर्देशक के रूप में एगो अउरी रोचक कहानी दर्शकन के सोझा पेश करे खातिर तइयार बाड़न।
एह फिलिम के निर्माण आमिर खान प्रोडक्शन आ किंडलिंग प्रोडक्शंस के बैनर में भइल बा जवना के स्क्रिप्ट बिप्लब गोस्वामी कके अवॉर्ड विनिंग कहानी पs आधारित बा। एकर पटकथा आ संवाद स्नेहा देसाई के लिखल बा, जबकि अतिरिक्त संवाद दिव्यनिधि शर्मा के लिखल बा।
