दिल्ली के सगरी 70 गो विधानसभा सीट पs मतदान पूरा हो गइल बा. उम्मीदवारन के किस्मत ईवीएम में कैद हो गइल बा. रिजल्ट 8 फरवरी के घोषित कइल जाई. दिल्ली विधानसभा चुनाव 2025 खातिर बुध के रात 11 बजे तक के आंकड़ा के मुताबिक, 60.42 प्रतिशत मतदान भईल, जवन कि 2020 के विधानसभा चुनाव से 5 प्रतिशत कम बा। 2020 के दिल्ली चुनाव में मतदान के प्रतिशत 62.59 रहल।
समय के बाद भी वोट देवे के अनुमति दिहल गईल
एह चुनाव में आम आदमी पार्टी (आप) आ भारतीय जनता पार्टी (भाजपा) दुनु पs धन बाँटे आ फर्जी मतदान समेत गड़बड़ी के आरोप लागल रहे. चुनाव के दिन अलग-अलग मतदान केंद्र के बहरी मतदाता के लमहर कतार देखाई देलस अवुरी बंद होखे के समय के बाद भी लोग वोट डाले खातीर इंतजार करत रहले। दिल्ली के मुख्य निर्वाचन अधिकारी सांझ के 5:00 बजे ले 57.89 प्रतिशत मतदान भईल। चुनाव आयोग के मुताविक मतदान के औपचारिक समापन समय के बाद भी कतार में खड़ा सभ मतदाता के वोट देवे के अनुमति रहे।
एग्जिट पोल के आंकड़ा में भाजपा आगे बिया
दिल्ली में कुल 1.56 करोड़ मतदाता बाड़े अवुरी अबकी चुनाव में कुल 699 उम्मीदवार मैदान में बाड़े। मतदाता उत्साही रहले अवुरी मतदान प्रक्रिया में पूरा तरीका से शामिल रहले। मतदान के बाद एग्जिट पोल के आंकड़ा जारी भईल, जवना में सत्ताधारी आप पार्टी के हार अवुरी भाजपा के जीत के अंदाज़ा लगावल गईल, जबकि कांग्रेस एक बेर फेर से पीछे के कतार में खड़ा देखाई देता। अलग-अलग चुनाव में भाजपा के अगुवाई होखत लउकत बा, जबकि कुछ चुनाव में आप अवुरी भाजपा के बीच कड़ा टक्कर के खबर बा। ध्यान रहे कि ई मतदान प्रतिशत के आंकड़ा अंतिम नइखे.
इहो पढ़ीं: अतवारी छौंक: बात कुछ पुरनका दौर के! जवना साधना कट खातीर लईकी पागल रहली, ओकरा पीछे बा मजेदार कहानी…
