कांग्रेस के लोकसभा उम्मीदवारन के नया लिस्ट जारी, मौजूदा सांसद के कटल टिकट; पढ़ी पूरा सूची 

Sonu Kishor

Congress Candidate list कांग्रेस लोकसभा चुनाव खातिर आपन उम्मीदवारन के नया लिस्ट जारी कर देले बिया। पार्टी अध्यक्ष मल्लिकार्जुन खरगे सूची जारी कइले हऽ आ उनका अध्यक्षता में आयोजित केंद्रीय चुनाव समिति के बइठक में ए उम्मीदवारन के नाम तय कइलऽ गइल बा। ए सूची में गोवा से मौजूदा कांग्रेस सांसद फ्रांसिस्को सरदिन्हा के टिकट कट गइल बा।

ए सूची में गोवा से मौजूदा कांग्रेस सांसद फ्रांसिस्को सरदिन्हा के टिकट कट गइल बा।

ई हऽ नया सूची –

कांग्रेस के ओर से जारी सूची के अनुसार, पार्टी उत्तर गोवा से रमाकांत खलाप, दक्षिण गोवा से कैप्टन विरिआटो फर्नांडिस के टिकट देले बिया। ओहिजा, तीन मध्य प्रदेश के सीट आ एगो दादरा आ नगर हवेली सीट पऽ उम्मीदवारन के नाम जारी कइले बिया।

मध्य प्रदेश के तीन सीटन पऽ उम्मीदवारन के एलान

कांग्रेस मध्य प्रदेश के मुरैना से सत्यपाल सिंह सिकरवर (नीटू) ग्वालियर से प्रवीन पाठक, खंडवा से नरेंद्र पटेल के टिकट देले बिया।

पार्टी दादरा आ नगर हवेली से अजीत रामजीभाई माहला के चुनावी मैदान में उतरले बिया।

Share This Article
Follow:
एगो भोजपुरिया कलाकार, लेखक, कवि आ भोजपुरी खातिर समर्पित नवहा जे अपना माई भाखा खातिर हमेसा खाड़ रहेला। खेल आ राजनीति के खबर पढ़े खातिर हमरा से जुड़ीं खबर भोजपुरी पs। हमरा से रउआ सभे sonuyadav957670@gmail.com पs जुड़ल रहीं...