बिहार के CM नीतीश कुमार 27 मई के ऑल पार्टी मीटिंग बुलवले बाड़े ताकि जातीय जनगणना पs आम राय बनावल जा सको।
बिहार में राज्यसभा चुनाव के लेके सरगरमी बढ़ गइल बा। सबसे ज्यादा गतिविधि नीतीश कुमार के पार्टी JDU में बा। केंद्रीय मंत्री RCP सिंह के टिकट पs अभी कवनो फसीला नइखे हो सकल। एही बीचे सोमार के मुख्यमंत्री नीतीश कुमार 27 मई के जातीय जनगणना के मसला पs सर्वदलीय बइठक करे के ऐलान कइले। तबे खबर आ गइल कि मुख्यमंत्री नीतीश कुमार विधायकन ला फरमान जारी कइले बाड़े कि अगिला 72 घंटा ले सब विधायक पटना में रही लो, हालांकि एकर आधिकारिक पुष्टि नइखे हो पाइल। JDU एकरा के अफवाह बतवले बा।
ओहिजा , राज्यसभा चुनाव से पहिले बिहार के सियासत में बड़ बदलाव के संकेत मिल रहल बा। एक तरफ जातीय जनगणना के बहाने नीतीश आ तेजस्वी के नजदीकी बढ़ रहल बा तs दूसरा तरफ जेडीयू के भीतरखाने से बगावत के खबर आ रहल बा।
सीएम नीतीश कुमार केंद्रीय मंत्री RCP सिंह के दूबारा राज्यसभा भेजे के नइखे चाहत, जबकि सूत्रन के मानल जाव तs RCP राज्यसभा के मोह छोड़े के तइयार नइखे। अइसे में पार्टी के भीतरखाना से ई चरचा बाहर आवे लागल बा कि जदि RCP के पत्ता कटत बा तs ऊ कुछ बड़हन डेग उठा सकत बाड़े। ऊ अपना खेमा के विधायकन के साथे अलग जा सकत बाड़े।
