UP News: दरद से तड़पत रहे लइका, इलाज के बजाए अस्पताल में चलत रहे लात-घूंसा, मारपीट करे वाला ३ डॉक्टर सस्पेंड

 

मेरठ मेडिकल कॉलेज के इमरजेंसी में सोमवार के सांझ भईल विवाद के बाद तीन जूनियर रेजिडेंट डॉक्टर के निलंबित कs दिहल गईल बा। डिप्टी सीएम ब्रजेश पाठक पूरा मामिला के गंभीरता से संज्ञान लेके कार्रवाई कईले बाड़े। तीन सदस्य के जांच समिति बना के तीन दिन के भीतर रिपोर्ट जमा करावे के निर्देश भी दिहल गईल बा।

मेरठ मेडिकल कॉलेज के इमरजेंसी रूम में सोमवार के सांझ भईल विवाद के बाद तीन जूनियर रेजिडेंट डॉक्टर के निलंबित कs दिहल गईल बा। उप सीएम ब्रजेश पाठक पूरा मामिला के गंभीरता से संज्ञान लेके कार्रवाई कईले बाड़े। तीन सदस्य के जांच समिति बना के तीन दिन के भीतर रिपोर्ट जमा करावे के निर्देश भी दिहल गईल बा।

जानकारी के मुताबिक मेडिकल थाना क्षेत्र के कमलपुर गांव के निवासी दीपक के पांच साल के बेटा कुणाल के दाहिना हाथ के अंगूठा सोमवार के सांझ कट गईल। दीपक अपना भाई देवेंद्र आ भउजाई प्रीति के संगे अपना बेटा के संगे मेडिकल कॉलेज के इमरजेंसी में पहुंच गईल रहले।

बच्चा के रोवे के लेके विवाद हो गईल

जब बच्चा पट्टी लगावत रोवे लागल तs परिवार डॉक्टर से आराम से इलाज करे के कहलस। एह पर डाक्टरन से बहस हो गइल। आरोप बा कि जूनियर डॉक्टर दीपक अवुरी देवेंद्र के पीछा दउड़ा- दउड़ा के मारपीट कईले। पीड़ित लोग थाना पहुंच के घटना के शिकायत दर्ज करवले।

जांच समिति के गठन के बारे में बतावल गईल

डिप्टी सीएम के निर्देश के मुताबिक कॉलेज के प्रिंसिपल डॉ. आरसी गुप्ता तीन जूनियर डॉक्टर के निलंबित कs देले बाड़े। एकरा अलावे डॉ. ज्ञानेश्वर टॉक, डॉ. वैभव तिवारी एवं डॉ. हर्षवर्धन के नामांकन कs के जांच समिति बनावल गइल बा। समिति तीन दिन में आपन रिपोर्ट पेश करी। आगे के कार्रवाई खाली रिपोर्ट के आधार पs कईल जाई।

अनुशासनहीनता बर्दाश्त ना होई : डिप्टी सीएम

डिप्टी सीएम ब्रजेश पाठक के कहल बा कि अनुशासनहीनता बरदाश्त ना कइल जाई। मरीज के उच्च गुणवत्ता वाला स्वास्थ्य सेवा दिहल सरकार के प्राथमिकता बा।