Child Bad Eating Habit : भाग-दउड़ भरल जिनगी आ काम में बिजी रहला के बीच ए घरी पैरेंट्स के लगे एतना समय नइखे कि ऊ लईकन के बहला-फुसलाके घंटन खाना खियावे में समय दे सके। अइसन में पैरेंट्स समय बचावे खातिर इलेक्ट्रॉनिक गैजेट्स के मदद लेला लो। लईका मोबाइल भा टीवी देखत फटाफट खाना खा लेवे ला लो। ई ओकनी के मन बहलावे के जरूरत बन जाला। माई-बाबूजी, एह बात से बेफिक्र हो जाला लो कि चलो फोन भा टीवी देखतही सही, लईका बिना रखले कम से कम खाना तs खा ले रहल बा। बाकिर का रउआ जानत बानी कि राउर ई शॉर्टकट लईका के सेहत खातिर केतना खतरनाक हो सकत बा।
टीवी-मोबाइल देखत लईकन के खाना खियावल केतना खतरनाक
इनवायरमेंटल जर्नल ऑफ हेल्थ नाम के मैगजीन में लईकन के खाना के हैबिट पs एगो रिसर्च आइल। दुनिया के कइयन गो बड़ यूनिवर्सिटीज के संगे मिलके एह रिसर्च के कइल गइल। एमे पावल गइल बा कि टीवी भा मोबाइल देखत जवन लईका खाना खात बा, ऊ आगहू चलके खाना के लेके नखरा करत रहल बा। एह बच्चन में छोट-छोट बात पs गुस्सा करत देखल गइल बा। टीवी-मोबाइल देखत खाना वाला 10 साल तक के लईकन में मोटापा के खतरा कइयन गुना तक बढ़ जाला आ ऊ ओबेसिटी के शिकार हो जाला, जवन कइयन गो बेमारियन के जनम दे सकत बा।
WHO दे चुकल बा चेतावनी
वर्ल्ड हेल्थ ऑर्गेनाइजेशन (WHO) हाले में एगो रिपोर्ट जारी कs के लईकन के स्क्रीन से दूर रखे के चेतावनी देले बा। एह रिपोर्ट में 5 साल से कम उमिर के स्क्रीन टाइम निर्धारित कइल गइल बा। एह लईकन के जादे स्क्रीन टाइम देह आ मानसिक सेहत के सीधा तौर पs प्रभावित करत बा। एह रिपोर्ट में WHO लईकन के मोबाइल, टीवी भा आउर इलेक्ट्रॉनिक गैजेट्स से दूर रहे के हिदायत देले बा।
खाना खात घरी टीवी देखला के नुकसान
- खात घरी टीवी देखला से मेटाबॉलिज्म स्लो हो जाला, जवना से देह में फैट जमा होखे लागत बा।
- टीवी देखत खाना खइला से सारा फोकस टीवी भा फोन पs होला, एह वजह से लईका ओवरईटिंग करेला।
- जादेतर लईका जब टीवी-फोन देखत बा तs ओह समय जंक फ़ूड खाइल पसंद करेला लो।
- टीवी-मोबाइल देखत घरी डिनर भा लंच करे से लईका बहुते जल्दी से मोटापा के शिकार हो जाला।
- टीवी भा फोन दिखाके लईकन के खाना खियवला से ओकरा पोषण के कमी हो सकत बा। ऊ जरूरी पोषक तत्व नइखे पा सकत।
- टीवी भा फोन दिखाके लईकन के खाना खियवला से ओमे तनाव आ चिंता बढ़ सकत बा। खाना के समय ऊ तनावग्रस्त हो सकत बा।
- टीवी भा फोन देखके खाना खाये वाला समाजिक तौर पs कमजोर हो सकत बा। ओकरा स्किल्स में कमी आ सकत बा।
- टीवी-मोबाइल देखते घरी लईका बिना बोलले खाना खाला लो, जवन ओकनी के बोले के क्षमता माने कम्युनिकेशन प्रभावित करेला।
- आंखिन से पानी आवे, रोशनी कम होखे भा
- ड्राईनेस के समस्या
- मोबाइल देखला के चक्कर में लईकन के खाना के पहचान नइखे हो पावत, जे कहू सामने आइल ओकरा बारे में बिना जाने ही खा लेते हैं.
- मोबाइल-टीवी में खोवला के वजह से चीजन के इयाद ना रख पावेला लो।
- मोबाइल-टीवी में वीडियो देखे आ सुने से कम एक्सप्रेसिव हो जाला।
- एकरा से ओकनी के फोन-टीवी के लत लाग सकत बा।
- लईका चिढ़चिढ़ा, जिद्दी आ गुस्सैल हो जाला लो।
Read Also: Share Market: शेयर बाजार में हरियर निशान पs सुरुआत; सेंसेक्स 231 अंक चढ़ल, निफ्टी 22600 के पार
