BSNL अपना ग्राहकन के बड़ झटका देत एगो प्लान के वैधता 5 दिन तक कम कर देलस। बता दी कि BSNL हालही में सिम कार्ड के होम डिलीवरी शुरू कइले बा।
जदि रउवो भारत संचार निगम लिमिटेड (BSNL) के यूजर बानी तऽ ई बड़ खबर बा। BSNL अपना ग्राहकन के बड़ झटका देत एगो प्लान के वैधता 5 दिन तक कम कर देलस। बता दी कि BSNL हालही में सिम कार्ड के होम डिलीवरी शुरू कइले बा।
टेलीकॉमटॉक के रिपोर्ट के मोताबिक BSNL अपना 88 रूपिया वाला प्लान के वैधता कम कऽ देले बा। BSNL के एह प्लान के साथे पहिले 35 दिनन के वैधता मिलत रहे बाकिर अब एकर वैधता 30 दिन के रह गइल बा। बता दी कि कंपनी 4G लॉन्च करे के प्लानिंग कर रहल बिया।
BSNL के 88 रूपिया वाला प्लान के फायदा
BSNL के 88 रूपिया वाला प्लान में अब 30 दिन के वैधता मिलेला। एकरा अलावा 10 पइसा प्रति मिनट के दर से कॉलिंग मिलेला। एह प्लान में डाटा ना मिलेला। बता दी कि BSNL के लगही 90 रूपिया से कम के प्री-पेड प्लान बा। आउर नीजी टेलीकॉम कंपनियन के लगे एह तरह के कवनो प्लान नइखे।
