भाजपा नेता सोनाली फोगाट के निधन:गोवा में पडल दिल के दौरा, 2019 में आदमपुर से लड़ल रहली चुनाव, टिकटॉक स्टार भी रहली
हरियाणा के भाजपा नेता सोनाली फोगाट के मंगलवार के निधन हो गईल। उ 42 साल के रहली। उ अपना स्टाफ के संगे गोवा गईल रहली, जहां सोमार के देर रात उनका दिल के दौरा पड़ गईल। सोनाली के भाई बतवले कि एक घंटा पहिले उनकर निधन हो गईल।
सोनाली टिक-टोक स्टार आ बिग बॉस-14 के प्रतियोगी बनला का बाद लोकप्रिय भइली. एह लोग के एगो बेटी बाड़ी आ पति के मौत कई साल पहिले हो गइल रहे.
मौत से कुछ घंटा पहिले कईल गईल रहे फेसबुक पोस्ट
सोनाली 27 अगस्त के कार्यकर्ता के बैठक बोलवले रहली। सोनाली अपना मौत से कुछ घंटा पहिले आपन फोटो फेसबुक प अपलोड कईले रहली। जवना पर सोनाली लिखले बाड़ी कि ऑलवेज रेडी, दबंग लेडी, रियल बॉस लेडी.
सोनाली चुनाव हार गइल रहली
सोनाली अपना बयान से सुर्खी में भी रहल बाड़ी। साल 2019 में भईल विधानसभा चुनाव में उ आदमपुर से कुलदीप बिश्नोई के खिलाफ चुनाव लड़ले रहले। एह चुनाव में ऊ हार गइली. कुलदीप बिश्नोई के 29 हजार 471 से अधिक वोट मिले।
सोनाली-कुलदीप के मुलाकात हाल ही में भईल रहे
सोनाली अवुरी कुलदीप बिश्नोई राजनीतिक विरोधी रहले। हाल ही में दुनो लोग के मुलाकात भईल रहे अउरी शिकायत दूर हो गईल रहे। ई बइठक खुद सोनाली के घरे भइल रहे| एकरा बाद गुरु जम्भेश्वर जयंती के सोनाली बिश्नोई मंदिर पहुंचली।
जूता कांड के चलते सोनाली चर्चा में आई
सोनाली के राजनीति में ओतना चर्चा ना मिलल विधानसभा चुनाव में लड़ के, जतना कि बाजार समिति के सचिव के जूता से पीट के। सोनाली बलसमंद के हिसार मार्केट कमेटी के सचिव के काम ना करे के आरोप में सरेआम मारपीट कईले रहली। सचिव के शिकायत प सोनाली के खिलाफ मामला दर्ज भईल।
हाल ही में हरियाणा कृषि विश्वविद्यालय के एगो कार्यक्रम में मंच पर बइठल सोनाली के उठावल गइल, तब सोनाली खिसिया के कार्यक्रम छोड़ दिहली.
Comments are closed.