बिहार के आरा में एगो मॉल से शुरू भईल पंकज अवुरी नीतू के कहानी भविष्य में अयीसन भयानक रूप ले लेत, कि दुनो लोग सपना में भी एकरा बारे में ना सोचले रहते। नीतू भागलपुर के एसएसपी कार्यालय के आरटीआई शाखा में बिहार पुलिस में सिपाही के रूप में तैनात रहली। नीतू पs आरोप बा कि पहिले अपना दुनो बच्चा के चाकू मार के हत्या कs देले अवुरी बाद में सास के गला काट देली। पुलिस के मुताबिक, नीतू इs घटना अपना सरकारी क्वार्टर में अंजाम देली। पुलिस के मुताबिक जब पंकज (नीतू के पति) के एs घटना के जानकारी मिलल तs उs नीतू के गला काट के हत्या कs देले अवुरी बाद में फांसी लगा देले। पुलिस फिलहाल एs समूचा मामला के जांच में व्यस्त बिया। पुलिस के ओ जगह से एगो सुसाइड नोट मिलल बा, जवना में पंकज भी नीतू के कवनो अवुरी संबंध होखे पs शक जतवले बाड़े।
नीतू अवुरी पंकज 2015 से एक दूसरा से प्यार करत रहले
नीतू आ पंकज के बारीकी से जाने वाला लोग के कहनाम बा कि साल 2015 के बात हs जब नीतू अवुरी पंकज आरा के पहिला बेर मॉल में काम करत घरी एक दूसरा से मुलाकात भईल रहे। फेर एक संगे काम करत घरी दुनों के प्यार हो गईल। एकरा बाद नीतू के बिहार पुलिस में नौकरी मिल गईल अवुरी उs सिपाही बन गईले। अलग अलग जगहा पs काम कइला के बादो दुनु के बीच कवनो दूरी ना रहे आ आखिर में दुनु जने के सगरी सामाजिक बाधा तूड़ के बियाह कs लिहले दुनु जने के दू गो लइका हो गइल. आ पंकज भागलपुर में मिलल सरकारी क्वार्टर में नीतू के साथे रहे लगले.
पुलिस के पति पs हत्या के भी आशंका बा
मामला के जांच करे वाली पुलिस टीम एs मामला के हर कोण के जांच करतिया. पुलिस के मिलल पंकज के सुसाइड नोट में लिखल बा कि उनुकर पत्नी नीतू उनुका बच्चा अवुरी महतारी दुनो के बेरहमी से हत्या कs देले रहली। एकरा बाद ही उs नीतू के हत्या कs देले। हालांकि पंकज के सुसाइड नोट में जवन दावा कईल गईल बा ओकरा अलावे पुलिस एs समूचा मामला के भी जांच करतिया। पुलिस एs एंगल के भी जांच करतिया कि नीतू के जगह पंकज ही बच्चा अवुरी बुजुर्ग महिला के हत्या कईले रहले कि ना। बच्चा अवुरी बुजुर्ग महिला के हत्या के कईले बा, एकर खुलासा पुलिस जांच पूरा होखला के बाद होई।
दूधवाला हत्या के बारे में बतवलस
नीतू के सरकारी क्वार्टर में का भईल ओकरा मोहल्ला में रहे वाला लोग के तब ले पता ना चलल जब ले कि नीतू के घर के दूधवाला ओकरा घर के खिड़की से भीतर झांक के ना देखलस। बहुत देर ले दरवाजा ना खोलला के बाद जब दूधवाला खिड़की से भीतर देखलस तs सबसे पहिले नीतू के सास के लाश खून से भींजल देखलस। एकरा बाद ही जब उs हल्ला मचावे लगल तs पास के लोग नीतू के घरे पहुंचल। एकरा बाद ही घटना के सूचना पुलिस के दिहल गईल.
Comments are closed.