Bihar : महावीरी आखरा में पुलिस पs हमला हो गइल बा । ए घटना में आम लोग समेत बहुत पुलिसकर्मी भी घायल भइल बाड़े। घायल लोग के अस्पताल में इलाज हो रहल बा।
सिवान में महावीरी आखरा के दौरान भारी हंगामा मच गइल। ए घटना में बहुत पुलिसकर्मी आ बहुत लोग घायल भइल बाड़े। घायल लोग के इलाज हुसैनगंज के पीएचसी में हो रहल बा। मामिला हुसैनगंज थाना क्षेत्र के हठौरा गांव के हs, सड़क जाम कइला के बाद बदमाश पथराव कइले।
घटना के बारे में लोग के कहनाम बा कि बरका टोला के आखाड़ा के लोग निर्धारित मार्ग से दूर होके दोसरा रूट से जाए के जिद करे लगले। प्रशासन जब एकर अनुमति ना दिहलख तs अखाड़ा ना निकालल जाई कह के लवटे लगले। आ फेर कुछ देर में अखाड़ा के लोग सड़क जाम कs दिहले। जब प्रशासन सड़क जाम के सफाई देवे खातीर उहाँ पहुंचल तs ए मामिला में शामिल बदमाश पुलिस पs हमला कs देले। एही दौरान भगदड़ शुरू हो गइल। पुलिस पs भइल हमला में दु पुलिसकर्मी समेत बहुत लोग घायल हो चुकल बाड़े। जइसहीं लोग के ई खबर मिलल तs पूरा इलाका में जंगली आग नियर फइल गइल। हठौरा गांव के आसपास पुलिस बल के भारी तैनाती बा। उहे खिसियाइल भीड़ हुसैनगंज के बीडीओ के गाड़ी में भी आग लगा दिहलस।
एसपी कहले कि जांच हो रहल बा
ए घटना के बारे में सिवान के एसपी अमितेश कुमार के कहनाम बा कि हुसैनगंज थाना क्षेत्र के बरका टोला गांव के आखरा के लोग शुरू में कहत रहले कि अखाड़ा के दोसरा रास्ता से ले जाए के बा। एकरा बारे में प्रशासन मना क दिहलस। अखाड़ा के लोग कहले कि हम अखाड़ा ना छोड़ब आ ऊ लोग वापस चल गइले। बाकी फेर कुछ देर बाद अचानक सड़क पs आके सड़क जाम कs देले। कुछ ही देर में ए मामिला में शामिल बदमाश उनका पs ईंट-पत्थर से हमला कs देले, जवना से कुछ नुकसान भइल। नुकसान के हद के आकलन कइल जाता। प्रशासन आगे के कार्रवाई कर रहल बा।
Comments are closed.