केंद्र सरकार के निर्देश पs जम्मू कश्मीर के पहलगाम में भईल आतंकी हमला के बाद गुजरात में अवैध तरीका से रहेवाला बांग्लादेशी नागरिक के खिलाफ कार्रवाई शुरू हो गईल बा। आजु सबेरे से प्रशासन अहमदाबाद के चंडोला लेक इलाका में अवैध कालोनी पs बुलडोजर चलावल शुरू कs दिहले बा. एह बड़का अभियान में जिला प्रशासन 100 ट्रक, 50 बुलडोजर आ 3000 पुलिसकर्मी के तैनाती कइले बा। चंडोला झील के 1.25 लाख वर्ग मीटर क्षेत्र में पसरल अवैध निर्माण के एक-एक कs के गिरावल जाता।
6500 अवैध बांग्लादेशी नागरिकन के हिरासत में लिहल गइल
गुजरात पुलिस पिछला कुछ दिन में 6500 से अधिका अवैध बांग्लादेशी नागरिकन के हिरासत में ले लिहले बिया जवना में से 890 अहमदाबाद के हउवें. चंडोला झील इलाका में चलत एह अभियान के मकसद अवैध अतिक्रमण के दूर कइल आ घुसपैठियन पs दबाव बनावल बा. ई इलाका बहुत पहिले से अवैध बांग्लादेशी आप्रवासी लोग के गढ़ रहल बा आ मानव तस्करी आ फर्जी दस्तावेजन के नेटवर्क बेतहाशा बा। चंडोला झील पर अवैध कब्जा 1970-80 के दशक में शुरू भइल जब इहाँ बहुत सारा प्रवासी उपनिवेश सभ के स्थापना भइल।
इहो पढ़ीं: सबेरे-सबेरे: गर्दन के समस्या करत बा परेसान, तs रोजे करीं इs Exercise
