मुंडेरवा थाना क्षेत्र के रामपुर रेवटी गांव के निवासी एगो युवक के शुक के रात गला काट के पीट-पीट के हत्या कs दिहल गईल। शनिचर के सबेरे पुलिस अधीक्षक गोपाल कृष्ण चौधरी घटना स्थल के जायजा लेले अवुरी घटना में शामिल लोग के तुरंत गिरफ्तार करे के निर्देश देले।
रामपुर रेवटी निवासी भास्कर के बेटा 35 साल के हरिकांत मद्धेशिया फेरी लगाके आपन गुजारा करत रहले। शुक के रात उs घर के बहरी खाट पs सुतल रहले। एही बीच केहु फोन कs के देर रात भाई के चाय के दोकान पs मिले के कहलस।
उ अबे घर से दोकान खातिर निकलल रहले कि पहिले से घात लगा के हमला करेवाला तीन लोग ओकरा के पकड़ के बाइक से गांव से करीब एक किलोमीटर पूरब में एगो सुनसान जगह पs ले गईले। उहाँ उनुकर हाथ-गोड़ बान्ह के पहिले पीटत रहले अवुरी ओकरा बाद उनुकर गला फाड़ देले।
ओकरा के मरल समझ के हमलावर भाग गईले। हरिकांत गंभीर रूप से घायल हालत में कवनो तरीका से घर पहुंचले। परिवार उनुका के गंभीर हालत में जिला अस्पताल ले गईल, जहां उनुकर मउत हो गईल।
मरला से पहिले मरेवाला घटना में शामिल तीन लोग के संख्या बतवले, लेकिन गला रेतले के चलते उs लोग के नाम साफ-साफ ना बता पवले। मुंडेरवा पुलिस रात में ही घटना स्थल पs पहुंच के जांच कईलस।घटना स्थल से पुलिस एगो चाकू, रस्सी अवुरी कुछ अवुरी सामान बरामद कईले बिया।
मरेवाला तीन भाई में सबसे बड़ रहले। उs अपना पीछे पत्नी गुंजा देवी, बेटा अभय अवुरी तीन बेटी काजल, आंचल अवुरी अनन्या के छोड़ गईल बाड़े। परिजन के आरोप बा कि मुंडेरवा पुलिस घटना के लेके गंभीरता ना देखवलस। साथ ही पुलिस के रात के गश्त पs भी सवाल उठवले.
केहू करीबी साजिश रचलस
परिजन अवुरी गांव के लोग के मुताबिक एs घटना में केहु करीबी के हाथ हो सकता. देर रात कवनो अनजान आदमी के फोन पs कवनो आदमी बाहर ना निकलेला. अयीसना में आशंका बा कि फोन करेवाला अपना करीबी केहु हो सकता। मोबाइल फोन के कॉल डिटेल के जांच से पुलिस के महत्वपूर्ण सुराग मिल सकता।
