स्पोर्ट्स डेस्क। पाकिस्तान के पूर्व तेज गेंदबाज शोएब अख्तर बाबर आजम पs जमके भड़ास निकलले बाडें। शोएब अख्तर पाकिस्तान के स्टार बल्लेबाज बाबर आजम के फ्रॉड करार देलस आ विराट कोहली के संगे उनकर तुलना पs आपन विचार खुलके रखलें।
बता दीं कि पाकिस्तान के चैंपियंस ट्रॉफी 2025 के पांचवां मैच में चिर-प्रतिद्वंद्वी भारत के हाथन 45 गेना शेष रहतही 6 विकेट के शिकस्त सहे के पड़ल रहे। दुबई में खेलल गइल मुकाबला में पाकिस्तान के टीम पहिलही बल्लेबाजी के और 49.4 ओवर में 241 रन पs ऑलआउट भइल। जवाब में भारत 42.3 ओवर में चार विकेट खोके लक्ष्य हासिल कइलस।
इस हाई वोल्टेज मुकाबला में जहां भारतीय बल्लेबाज विराट कोहली (100*) शतक जड़के आपन लय वापस हासिल कइलें। ओहिजा, बाबर आजम 26 गेना में खाली 23 रन बनाके पवेलियन लवट गइल। हार्दिक पांड्या विकेटकीपर राहुल के हाथन कैच आउट कराके बाबर के पारी के अंत कइले रहस।
शोएब अख्तर का कहलें
शोएब अख्तर बतवलें कि कइसे कोहली पूर्व भारतीय बल्लेबाज सचिन तेंदुलकर से प्रेरणा लेलें आ उनका विरासत के पीछा कइलें। ओहिजा, ऊ बाबर आजम के प्रेरणा चुने के जबरदस्त आलोचना कइलें। हालांकि, अख्तर केहू के नाम ना लेलें। शोएब अख्तर इंडियन एक्सप्रेस के हवाला से गेम ऑन है शो पs खुलके आपन विचार रखलें।
हम हमेसा बाबर आजम के तुलना विराट कोहली से करेनी। बताईं कि विराट कोहली के हीरो के हs? सचिन तेंदुलकर आ ऊ 100 शतक जमवले बाड़ें। विराट उनकर विरासत के पीछा कs रहल बाड़ें। बाबर आजम के हीरो के हs? टुक टुक। ऊ गलत हीरो चुनलें। उनकर सोच गलत बा। ऊ सुरुआत से फ्रॉड (फर्जी) रहल बाड़ें। हम पाकिस्तान टीम के बारे में बात तक नइखन कइल चाहत बानी। हम अइसन खाली एहिसे कs रहल बानी काहेकि एकर पइसा मिल रहल बा।
बाबर आजम फेर रहलें फ्लॉप
बाबर आजम से पाकिस्तानी फैंस के भारत के खिलाफ बड़ पारी के उम्मीद रहे। दायां हाथ के बल्लेबाज अहम मुकाबला में पारी के सुरुआत करे आइल, बाकिर बुरा दौर से उबर नइखे सकल। बाबर आजम 26 गेना में पांच चौका के मदद से 23 रन बनवलें आ हार्दिक पांड्या के शिकार बनके पवेलियन लवट गइलें।
पाकिस्तान एह हार के संगे चैंपियंस ट्रॉफी 2025 से लगभग बाहर हो चुकल बा। कइयन गो समीकरण बा, जवना से पाकिस्तान सेमीफाइनल में पहुंच सकत बा, बाकिर खिलाड़ियन के हाथन में कुछ नइखे। पाकिस्तान के अंतिम-4 में पहुंचे खातिर आउर मैचन के नतीजन आ नेट रन रेट पs निर्भर रहे के बा।
Read Also: बांग्लादेश में फेर भड़कल हिंसा, उपद्रवियन कुल कॉक्स बाजार एयरबेस पs कइले हमला,1 के मउत
