होली के पावन पर्व 14 मार्च के मनावल जाए वाला बा, ओही दिन शुक के नमाज भी पढल जाई। अयीसना में होली के दिन कवनो प्रकार के समस्या से बचे खातीर प्रशासन मुस्लिम समुदाय से नमाज के समय के लेके बदलाव करे के निहोरा कईले रहे। जवना के अयोध्या के मुस्लिम समुदाय के धार्मिक नेता लोग स्वीकार कईले बा। मौलवी मोहम्मद हनीफ भी शुक (जुमा) के नमाज खातिर दिशा निर्देश जारी कईले बाड़े। मस्जिद सराय समिति के अध्यक्ष हनीफ कहले कि होली के त्योहार के ध्यान में राखत जुमा के नमाज के समय में बदलाव कईल जाता। जानकारी देत उs कहले कि होली के देखत दुपहरिया 2 बजे के बाद अयोध्या के सभ मस्जिद में जुमा के नमाज पढल जाई।
साँझ साढ़े चार बजे ले नमाज दिहल जा सकेला
हनीफ कहले कि, होली के समय के ध्यान में राखत हमनी के सभ मस्जिद से कहले बानी कि दुपहर 2 बजे के बाद जुमा के नमाज पढ़ल जाए, काहेंकी शुक के नमाज दुपहर 4:30 बजे तक कईल जा सकता। सांप्रदायिक सौहार्द बढ़ावे के कोशिश में जिला के तबलीगी जमात मार्काज के ‘आमीर’ हनीफ लोग के होली के शुभकामना दिहले। उs आगे कहले कि, हमनी के अपना हिन्दू भाई लोग के होली के बहुत बहुत शुभकामना देतानी, हमनी के उनुका खुशी में शामिल होके उनुका संगे जश्न मनावे में खड़ा बानी।
डीएम इs बात कहले
एही बीच जिला के डीएम चंद्र विजय सिंह महोत्सव के सुरक्षा व्यवस्था के संबंध में कहले कि, “शहर में सुरक्षा सुनिश्चित करे अवुरी कवनो अप्रिय घटना के रोके खातीर होलिका दहन के प्रदर्शन सिर्फ स्थापित जगह पs होई। एकरा के नाया जगह पs रोकल गईल बा।” उs कहले कि कवनो आपातकालीन स्थिति से निपटे खातीर कंट्रोल रूम भी बनावल गईल बा।
इहो पढ़ीं: सबेरे-सबेरे: रोज करीं इs 4 गो योगासन, आंख के puffiness होई दूर
