बम धमाकन से फेर दहलल अफगानिस्तान, 16 लोग के मौत

Anurag Ranjan

अफगानिस्तान एक बेर फेर बम धमाकन से दहल उठल। बुध के देर सांझ अफगानिस्तान में एगो के बाद एगो चार बम धमाका भइल। जेमे 16 लोग के मौत हो गइल।

धमाकन में 22 से जादे लोग घायल बा। मजार ए शरीफ में भइल धमाकन के जिम्मेदारी आतंकी संगठन आईएस के एगो स्थानीय संगठन लेलस, जबकि काबुल में भइल धमाका के जिम्मेदारी कवनो आतंकी संगठन नइखे लेले।

पहिला धमाका काबुल के हजरत जकारिया मस्जिद में भइल, जेमे 7 लोगन के मौत हो गइल। ओने उत्तरी अफगानिस्तान के बाल्ख प्रांत के मजार ए शरीफ शहर में तीन गो मिनी वैन में भइल धमाका में 9 लोग मारल गइल। तालिबान के पुलिस प्रवक्ता खालिद जदरान कहले कि जकारिया मस्जिद में भइल धमाकन के जिम्मेदारी कवनो आतंकी संगठन नइखे लेले। पुलिस ममिला के जांच कs रहल बिया। सब घायलन के काबुल के इमरजेंसी अस्पताल में भरती करावल गइल बा। आईएस एह धमाकन के जिम्मेदारी लेलस।

Share This Article
Content Creator
Follow:
सिविल इंजीनियर, भोजपुरिया, लेखक, ब्लॉगर आ कमेंटेटर। खेल के दुनिया से खास लगाव। परिचे- एगो निठाह समर्पित भोजपुरिया, जवन भोजपुरी के विकास ला लगातार प्रयासरत बा। खबर भोजपुरी के एह पोर्टल पs हमार कुछ खास लेख आ रचना रउआ सभे के पढ़े के मिली। रउआ सभे हमरा के आपन सुझाव anuragranjan1998@gmail.com पs मेल करीं।