लोकसभा चुनाव में सोशल मीडिया प्लेटफार्म पs कवनो तरह के भ्रामक, भड़काऊ आ आपत्तिजनक प्रचार सामग्री पोस्ट करे पs कड़ा कार्रवाई कइल जाई। व्हाट्सएप ग्रुप में भी आचार संहिता के पालन करे के होई, उल्लंघन के स्थिति में ग्रुप प्रशासक के खिलाफ कार्रवाई होई।
जिला निर्वाचन अधिकारी अनुज सिंह कहले कि आचार संहिता के पालन होखे खातीर प्रशासन पूरा तरीका से सतर्क बा। फेसबुक, एक्स, व्हाट्सएप, इंस्टाग्राम, टेलीग्राम आ अउरी सोशल मीडिया प्लेटफार्मन पs नजर राखल जा रहल बा।
उ कहले कि कवनो व्हाट्सएप ग्रुप में आपत्तिजनक पोस्ट ना चले के चाही। सभे ग्रुप एडमिन के सलाह दिहल गईल बा कि ना तs ग्रुप के सदस्य के नियम के बारे में बताई, ना तs अपना ग्रुप के खाली एडमिन बनाई। उs कहले कि जदी कवनो समूह में चुनाव से जुड़ल आपत्तिजनक सामग्री पोस्ट कईल जाता तs प्रशासक के खिलाफ आचार संहिता के उल्लंघन के मामिला दर्ज होई। पुलिस तमाम समूह प्रशासक के नाम, पता अवुरी मोबाइल नंबर सुरक्षित कs लेले बिया। पुलिस टीम चौबीसों घंटा सोशल मीडिया प्लेटफार्म पs नजर राखत बिया।
