वजन घटावे के चक्कर में रोज खाला चिया सीड्स, झेले के पड़ सकेला ई नुकसान

 

चिया के बीज के मोटापा कम करे में कारगर मानल गईल बा। पोषक तत्व से भरपूर चिया बीज के सेवन से वजन कम करे में मदद मिलेला। चिया के बीज में फाइबर अवुरी विटामिन भरपूर मात्रा में होखेला। एह बीज के सेवन से स्वास्थ्य खातिर बढ़िया मानल जाला। बाकिर एकरा से जादा फायदा पावे के चक्कर में लोग रोज चिया बीज के पानी पीये लागेले। लंबा समय ले लगातार अयीसन कईला से फायदा के जगह नुकसान हो सकता। आज हम बता रहल बानी चिया बीज के कुछ दुष्प्रभाव। जानीं कि कवन लोग के चिया के बीज ना खाए के चाहीं?

चिया बीज में पोषक तत्व

भरपूर फाइबर, प्रोटीन के बढ़िया मात्रा, पोटेशियम, ओमेगा-3 फैटी एसिड, मैग्नीशियम, कैल्शियम जईसन बहुत विटामिन अवुरी खनिज चिया के बीज में पावल जाला। शाकाहारी आहार लेवे वाला लोग चिया के बीज भी खा सकता। चिया के बीज के प्रोटीन के बढ़िया स्रोत मानल जाला। एकरा के पानी, दही, स्मूदी, पुडिंग भा सलाद में मिला के इस्तेमाल कs सकेनी। वजन कम करे खातिर लोग चिया के बीज के पानी में भिगो के सबेरे खाली पेट नींबू पीयेला। एकरा से स्वाभाविक रूप से शरीर के डिटॉक्स हो जाला।

चिया बीज के दुष्प्रभाव

अब बात कईल जाए कि चिया के बीज के जादा सेवन आपके खातीर कईसे नुकसानदेह हो सकता। जरुरी नइखे कि चिया के बीज सभका सूट करे.

गैस एसिडिटी- बहुत बेर लोग के इs खईला के बाद गैस-पेट फूले जईसन समस्या होखे लागेला। चिया के बीज में फाइबर के मात्रा जादा होखेला जवन कि वजन के नियंत्रित करे में मदद करेला। चिया के बीज के जादा खईला से पेट से जुड़ल समस्या जईसे गैस अवुरी पेट फूले लागेला। अगर आप एकरा के पानी के संगे ना खईनी तs एकरा से कबो-कबो ईसोफेजियल ब्लॉकेज के रुकावट हो सकता।

पाचन पs एकर असर होई- चिया के बीज खईला से सिंड्रोम, कोलाइटिस, क्रोहंस डिजीज रोग के खतरा हो सकता। इs समस्या आपके समस्या के बढ़ा सकता। चिया के बीज में फाइबर के मात्रा जादा होखेला, जवना के चलते केहु के एs समस्या के सामना करे के पड़ सकता।

कम ब्लड प्रेशर के खतरा– कम ब्लड प्रेशर के समस्या वाला लोग के चिया बीज के सेवन से परहेज करे के चाही। चिया के बीज में पावल जाए वाला ओमेगा-3 फैटी एसिड खून के पतला करेला अवुरी एकरा से ब्लड प्रेशर भी कम हो जाला।

उल्टी अवुरी मतली – कई बेर लोग के चिया बीज से एलर्जी हो सकता। कुछ लोग के एकर सेवन के बाद उल्टी, मतली, दस्त अवुरी जीभ चाहे होंठ प खुजली हो सकता। अयीसन लोग के चिया के बीज खाए से परहेज करे के चाही। अगर चिया के बीज खईला के बाद अयीसन लागता त तुरंत बंद क दिही।

चिया के बीज कवना मात्रा में खाए के बा- अगर आप वजन घटावे खातीर चिया बीज खा रहल बानी तs एकर मात्रा के ध्यान में राखी। चिया के बीज के जादा खईला से भी नुकसान हो सकता। एहसे दिन भर चिया के बीज मात्र 1-2 चम्मच लेवे के चाही। एहसे भूख ना लागेला अवुरी वजन पs काबू पावे में आसानी होई।