वजन घटावे वाला पेय : चिया के बीज में ओमेगा 3 फैटी एसिड अवुरी फाइबर भरपूर मात्रा में होखेला। चिया के बीज के सुपरफूड के श्रेणी में राखल गईल बा, एकरा में विटामिन सी, ई, नियासिन, थिआमिन, एंटीऑक्सीडेंट, राइबोफ्लेविन जईसन पोषक तत्व होखेला जवन कि शरीर के स्वस्थ राखे खाती जरूरी होखेला। बहुत लोग वजन कम करे खातिर चिया के बीज के इस्तेमाल करेला, लेकिन जदी हर भारतीय के घर में मौजूद सौंफ के चिया के बीज में मिला दिहल जाए त वजन घटावे के प्रक्रिया तेजी से बढ़ सकता।
तेजी से वजन कम करे खातिर का खाए के चाहीं?
सौंफ अवुरी चिया दुनो बीज में फाइबर के मात्रा जादा होखेला, एहसे जदी ए बीज के एक संगे इस्तेमाल कईल जाए त एकर वजन तेजी से कम हो जाला। सौंफ अवुरी चिया के बीज पेट में मौजूद पाचन एंजाइम के बढ़ावेला, जवना से मेटाबॉलिज्म बढ़ेला। सौंफ अवुरी चिया के बीज के एक संगे सेवन कईला से शरीर में मौजूद अतिरिक्त कैलोरी तेजी से जरे लागेला।
सौंफ अवुरी चिया के बीज के एक संगे सेवन से भूख काबू में रहेला। रोज स्वाद के चलते जादा खाना खईला से मोटापा बढ़ जाला, अयीसन स्थिति में जदी जल्दी भूख ना लागे त मोटापा भी काबू में हो जाई। चिया के बीज में कार्बोहाइड्रेट अवुरी प्रोटीन भरपूर मात्रा में होखेला, जवना के चलते भूख ना लागेला।
वजन घटावे खातिर सौंफ आ चिया के बीज
वजन कम करे खातिर सौंफ अवुरी चिया के बीज के पेय बनावे खातीर दुनो बीज के 1-1 चम्मच लेवे के चाही। अब एगो बर्तन में 2 गिलास पानी लेके ओकरा में दुनो बीज मिला के गैस पs कम लौ पs 10 से 15 मिनट तक उबाल लीं, जब तक कि पानी आधा ना रह जाए। अब एह पानी के गिलास में छान के पानी ठंडा होखला पs पी लीं। एह पानी में शहद भी मिला के पी सकेनी।
(ई लेख सामान्य जानकारी खातिर बा, कवनो उपाय अपनावे से पहिले डॉक्टर से सलाह लेवे के पड़ी)
Comments are closed.