कई बेर कुकुर आधा रात में रोवे लागेले, जवना के चलते हमनी के आंख हड़बड़ी में खुल जाला आ फेर ओ लोग के रोवे के आवाज़ के चलते हमनी के नींद ना आवेला। लेकिन, का रउवा जानत बानी कि कुकुर अयीसन काहें करेले?
रात में कुकुर काहे रोवेले : बहुत बेर कुकुर आधा रात में सड़क पे शोर मचावे लागेले। कबो भौंकत बाड़े त कबो रोवे जइसन आवाज निकालत बाड़े। बहुत लोग एकरा के बुरा शगुन तक मानेला। कुकुरन के भौंकत आवाज अतना तेज होला कि सुत ना पावेला । अगर संजोग से पास में होखे त ओह लोग के भौंकला के आवाज कान के डंक मारेला। हमनी के देश में कुकुर के रोवाई के कई गो बुरा शगुन से जोड़ल जाला। लेकिन, आज हमनी के एकरा पीछे के वैज्ञानिक कारण बतावत बानी जा।
कुछ लोग के मानल बा कि कुकुरन के आत्मा देख सकेला। एही से रात में जब भी कवनो भूत देखेले त भौंके लागेले। ई अंधविश्वास आ जन मान्यता के बात रहे। लेकिन, एह मामला में विज्ञान के आपन राय बा। वैज्ञानिक एह बातन पे विश्वास ना करेलें। रात में कुकुरन के इंसान के अपना ओर आकर्षित करे के तरीका ह।
नया इलाका में आवत घरी भी रोवेला
कुछ अध्ययन से पता चलता कि जब भी कुकुर अपना पुरान इलाका से निकलेले, कवनो नाया इलाका में आवेले चाहे भटक जाले त उहो इंसान निहन दुखी होखेले। एही दुख में रात में रोवे लागेले। परिवार से अलगा रहला के चलते अक्सर आधा रात में रोवेला। खासकर अगर कुकुर के पालन पोषण पहिले कवनो घर में भइल होखे त ओकर दर्द अउरी बढ़ जाला.
अस्वस्थ होखला पे
एकरा अलावे कुकुरन के चोट लगला आ ठीक ना होखला के बाद भी रात में रोवे लागेला। संगही, जब कवनो दोसरा इलाका के कुकुर उनुका इलाका में घुसे के कोशिश करेला त उहो ए बात पे रोवे लागेले। एह तरह से ऊ चिल्ला के अपना बाकी साथियन के सचेत करेला।
बुढ़ापा भी एकर कारण बा
कुकुरन के उमिर बढ़ला पे डेरा जाला। एह डर के चलते रात में उनुका अकेलापन महसूस होखेला, जवना के चलते उ रोवे लागेला। संभव बा कि कुकुरन के कवनो साथी दुनिया छोड़ के चल गइल होखे, जेकर दुख रात में रो के इजहार करेला।
Comments are closed.