तवक्कलपुर गांव के पास छोटकी गंडक नदी के तट पर अतवार के लोग के बुला के धर्म परिवर्तन करावल गइले के सूचना पर हिंदूवादी संगठन के लोग मौका पर पहुंच गइल। एक पक्ष झाड़-फूंक करावे खातिर अइले के बात कहनें त दूसरा धर्म परिवर्तन करावे के आरोप लगावत रहल। एके ले के वाद विवाद ठाढ़ हो गइल। सूचना पs पुलिस के पहुंचतही हड़कंप मच गइल। घटनास्थल पर पुलिस कई लोगन के हिरासत में ले लिहलस। मौका पर क्षेत्र के कई गांव के अलावा कुशीनगर जिला के लोग शामिल रहल।
तरकुलवा थानाक्षेत्र के तवक्कलपुर गांव के लग्गे छोटकी गंडक नदी के किनारे, खैरवा के एकांत जंगल में अतवार के टेंट लगा के रामपुर कारखाना के शाहजहांपुर, तरकुलवा के तवक्कलपुर, कोन्हलिया, बाबुराय, खैरवा सहित कुशीनगर के कसया सहित दूर-दराज के लोग के बुला के झाड़-फूंक के नाम पर उहां तमाम प्रलोभन दे के धर्मांतरण करवले के चर्चा तेज हो गइल बा।
एह बात के जानकारी होइतही उहां पहुंचल हिंदूवादी संगठन के नेता लोग मामिला के विरोध कइल। एहसे उहां अफरातफरी के माहौल पैदा हो गइल। हिंदू नेता लोग एह बात के जानकारी स्थानीय पुलिस के दिहलें। सूचना मिलतही एसओ फोर्स के संगे मौका पर पहुंचल। पुलिस के पहुंचतही उहां हड़कंप मच गइल। जांच पड़ताल में एगो धर्म से जुड़ल प्रचार सामग्री के अलावा सरसों के तेल आदि सामग्री मिलल।
पुलिस कई लोग के हिरासत में ले के थाना ला के पूछताछ कइलस। पांच लोग पर शांतिभंग के कार्रवाई कइल गइल। एह संबंध में एसओ दिनेश कुमार मिश्र बतवलें कि कुछ लोग नदी किनारे झाड़-फूंक करावत रहनें धर्म परिवर्तन के आरोप के जांच कइल जा रहल बा। पांच लोग पs शांतिभंग के कार्रवाई कइल गइल बा।
Comments are closed.