बिहार के गोपालगंज जिला के भोरे थाना क्षेत्र से पुलिस एगो तांत्रिक के गिरफ्तार कs लेले बिया। उनुका लगे से इंसान के हड्डी, दुगो खोपड़ी (नरमुंद) अवुरी तंत्र-मंत्र के किताब भी बरामद भईल बा। पुलिस के मुताबिक तांत्रिक के पहचान हसीफ शेख उर्फ शोखा बाबा के रूप में भईल बा। बतावल जाता कि उs झारखंड के पाकुड़ जिला के निवासी हवे, जवन कि फिलहाल भोरे थाना क्षेत्र के लामीचौर बाजार में किराया के मकान में रहत रहले। गिरफ्तार तांत्रिक पs गोपी छापर गांव के छात्रा के तंत्र-मंत्र से लुभा के ओकरा के लुभावे अवुरी आर्थिक रूप से शोषण करे के आरोप बा।
लाखों के छात्रा से ठगी
वशीकरण मंत्र से लेके कई तरह के दावा करेवाला तांत्रिक के जाल में फंसइला के बाद उs पीड़िता के तीन बेर कोशिश में एक लाख दस हजार रुपया के ठगी कs देले। बाद में जब छात्रा तांत्रिक के चंगुल से भागे के कोशिश कईलस तs उs ओकरा पs दु लाख रुपया ले आवे के दबाव बनावे लगले, जवना के चलते छात्रा उनुका से दूरी बनावे लगली।
पीड़िता के आरोप बा कि जब उs तांत्रिक से दूरी बनावे के कोशिश कईली तs उनुका चेहरा पs कुछ रासायनिक पदार्थ फेंक देलस, जवना के चलते उनुकर चेहरा करिया हो गईल। आरोप बा कि शोखा बाबा के नाम से जानल जाए वाला हासिफ शेख एह इलाका में तंत्र मंत्र के भ्रम फैला के कई गो अवुरी महिला अवुरी लईकिन के लुभावले रहले।
भोरे थाना प्रभारी सह प्रशिक्षु पुलिस उपाधीक्षक संदीप कुमार बुध के बतवले कि पीड़िता के लिखित बयान के आधार पs आरोपी तांत्रिक के गिरफ्तार कs लिहल गईल बा। उनुका लगे से इंसान के हड्डी, दुगो खोपड़ी अवुरी तंत्र-मंत्र के किताब बरामद भईल बा। पुलिस अब पता लगावत बिया कि एह नकली तांत्रिक के शिकार कतना लोग हो गइल रहुवे. पुलिस पूरा मामला के छानबीन में जुटल बिया.
