आलिया भट्ट आ रणबीर कपूर के घर गूंजल किलकारी, एक्ट्रेस बेटी के देली जनम, फैन्स बोलल लो- ‘लक्ष्मी आइल बाड़ी’

बॉलीवुड के खूबसूरत आ टैलेंटिंड एक्ट्रेस आलिया भट्ट (Alia Bhatt) आ अभिनेता रणबीर कपूर (Ranbir Kapoor) के घरे किलकारी गूंजल बा। रणबीर- आलिया, पैरेंट्स बन गइल बा लो। रिपोर्ट्स के मोताबिक आलिया बेटी के जनम देले बाड़ी। रणबीर आ आलिया के पैरेंट्स बनला प पूरा कपूर आ भट्ट परिवार खुश बा। हालांकि आलिया के डिलीवरी नॉर्मल भइल बा कि सर्जरी, एह बारे में पता नइखे चल पाइल।

बता दीं कि ई साल आलिया आ रणबीर खातिर बहुते खास रहल। एही साल अप्रिल में दुनो लोग बियाह कइल। जून में फेर आलिया अपना प्रेग्नेंसी के अनाउंसमेंट कइली आ एकरा बाद अब आज दुनो पैरेंट्स बन गइल बा लो। सोशल मीडिया प कपल के फैन्स बहुते खुश बा लो आ कह रहल बा लो कि घरे लक्ष्मी आइल बाड़ी। फैन्स बेटी के पहिला पहली झलक देखे खातिर बेताब बा लो।

अइसन कहल जात रहे कि बेबी के डिलीवरी के बाद आलिया काम से तनिका ब्रेक लिहें काहेकि ऊ बेबी के संगे खूब समय बितावल चाहत बाड़ी। हालांकि ऊ खुद फेर एगो इंटरव्यू के दौरान इहो बतवले रहली कि रणबीर चाहत बाड़ें कि आलिया बेबी के जनम के बाद जल्दी काम प लवटस। रणबीर चाहत बाड़ें कि आलिया के फैंस के बेसी इंतजार ना करे के पड़े ना त उ एक्टर के खूब सुनाई लो।

प्रोफेशनल लाइफ

आलिया जल्दिये फिल्म रॉकी आ रानी के प्रेम कहानी में लउके वाला बाड़ी जवना में उनका साथे रणवीर सिंह लीड रोल में बाड़ें। फिलिम के करण जौहर डायरेक्ट कर रहल बाड़ें। एकरा अलावे आलिया फिल्म जी ले जरा में नजर अइहें जेमे उनका संगे कटरीना कैफ आ प्रियंका चोपड़ा लीड रोल में होई लो।

ओहिजा रणबीर के बात करीं त ऊ फिलिम एनिमल में नजर लउकिहें। एकरा अलावे ऊ लव रंजन के फिलिम में नजर अइहें आ एमे श्रद्धा कपूर लीड रोल में होइहें।