Ram Mandir: अयोध्या राम मंदिर में रामलला के मूर्ति के स्थापना के आजु एक साल पूरा हो गइल बा. हालांकि ध्यान देवे वाला बात बा कि अयोध्या में 22 जनवरी 2025 के प्राण प्रतिष्ठा के पहिला सालगिरह ना मनावल जाई, काहेंकी इs परब 11 जनवरी के पहिलही से मनावल जा चुकल बा। दरअसल रामलला विग्रह के अभिषेक के सालगिरह भारतीय कैलेंडर के मुताबिक मनावल जाई।
धार्मिक मान्यता के अनुसार भगवान राम के पूजा कइला से ना खाली आदमी के इच्छा पूरा होला बलुक ओकरा मानसिक शांति भी मिलेला। एह खास मौका पs बता दी कि रउरा अपना घर में भगवान राम के कइसे पूजा कs सकीलें. घर में भगवान राम के पूजा के सही तरीका के जानकारी प्राप्त करीं-
घर में भगवान राम के एही तरह से पूजा करीं
१-सबेरे सबेरे उठ के स्नान आदि के बाद ब्रह्म मुहूर्त में रामरक्षास्तोत्र के पाठ करीं। एकरा बाद राम के पंचमृत से नहा के नया कपड़ा पहिनवा दीं।
२-एकरा बाद घी के दीप जरा के घर में अखंड श्री रामचरितमानस के पाठ करीं। सुंदरकांड के पाठ भी कs सकेनी।
३-एकरा बाद हनुमान चालीसा के पाठ करीं। साथ ही परिवार के सब लोग मिल के भगवान राम के नाव के जप करस।
४-एकरा संगे मन में जवन इच्छा बा ओकरा के ध्यान में राखत भगवान राम के मंत्र के जप करीं। रामजी के गायत्री मंत्र: ओम दाशरथये विद्महे जानकी वल्लभाय धी महि तन्नो रामः प्रचोदयात् ॥ कम से कम 108 बेर एकर जप करीं।
५-अंत में भगवान राम के भोग अर्पित कs के फेर परिवार के लोग आ अउरी लोग के बीच प्रसाद बाँटीं।
६-एकरा संगे सांझ के अपना घर में घी के दीया जरा के मंदिर में दीप रखी.
७-एह दिन जरूरतमंद लोग के दान देवे के मत भूलीं। हो सके तs अपनी क्षमता के अनुसार गरीब लोग खातिर भंडारा के आयोजन करीं। अगर ई संभव नइखे तs कवनो चैरिटी में जा के दान करीं.
