पुलवामा में भइल टेरेरिस्ट अटैक के आजु 6 साल पूरा हो गइल बा. 14 फरवरी 2019 के दुपहरिया करीब 3:00 बजे जैश-ए-मोहम्मद (JeM) के एगो आतंकवादी श्रीनगर-जम्मू नेशनल हाईवे पs केंद्रीय रिजर्व पुलिस बल (CPRF) के काफिला में विस्फोटक लेके जा रहल एगो वाहन के टक्कर मार दिहलस. पुलवामा में पाकिस्तान समर्थित जैश-ए-मोहम्मद के आत्मघाती हमलावर द्वारा सीआरपीएफ के काफिला के निशाना बनाके कइल गइल हमला में सीआरपीएफ के करीब 40 जवान शहीद हो गईले. CRPF के काफिला में 78 बस रहे. Eht अटैक के बाद भारत आ पाकिस्तान के बीच तनाव बढ़ गइल. एह काफिला में सीआरपीएफ के लगभग 2500 जवान जम्मू से श्रीनगर के यात्रा करत रहले. हालांकि भारत महज 12 दिन में ही ‘नापाक’ पाक से बदला लिहलस. भारत 26 फरवरी के बालाकोट एयरस्ट्राइक कs के जैश-ए-मोहम्मद के आतंकियन के ढेर कs दिहले रहे.
आजु के तारीख में भइल एह घटना के बारे में जानीं की 14 फरवरी 2019 के का भइल आ ओह हमला के बाद कइसे मुहतोड़ जवाब दिहल गइल.
इहो पढ़ीं: सबेरे-सबेरे: आंख के बनावल चाहत बानी खूबसूरत आ तेज तs रोज करीं इs 3 गो योगासन
सीआरपीएफ के काफिला पs हमला
उs तारीख 14 फरवरी अउरी साल 2019 के रहे, सीआरपीएफ के काफिला जम्मू-श्रीनगर राष्ट्रीय राजमार्ग होखत रहे। एह काफिला में अधिकतर बस जवना में जवान बईठल रहले। जब इs काफिला पुलवामा पहुंचल तs दूसरा ओर से एगो गाड़ी आईल अउरी काफिला के एगो बस से टकरा गईल। बस से टकराए वाली गाड़ी में भारी मात्रा में विस्फोटक रहे। अयीसना में टक्कर भईला के संगे विस्फोट हो गईल अउरी एकरा में 40 सीआरपीएफ जवान शहीद हो गईले।
जैश-ए-मोहम्मद जिम्मेवारी लेले
अवंतीपोरा में एह हमला के जिम्मेवारी जैश-ए-मोहम्मद लेले रहे। विस्फोट एतना तेज रहे कि बहुत बस के बहुत नुकसान पहुंचल। एह हमला के जिम्मेवारी पाकिस्तान के आतंकी संगठन जैश-ए-मोहम्मद लिहलस. एह हमला से देश के कोर तक हिला दिहलस। आतंकवादियन के एह कार्रवाई से भारतीयन के आँख लोर से भरल रहे आ अब सभकर नजर जवाबी कार्रवाई पs रहे.
सर्जिकल स्ट्राइक आ पाकिस्तान के सबक
पुलवामा में भइल आतंकी हमला के महज 12 दिन बाद 25 फरवरी के देर रात भारत पाकिस्तान के बालाकोट में एयरस्ट्राइक कइलस. एह हमला में सेना पाकिस्तान के करीब 300 आतंकियन के मार दिहलस.
सरकारी दावा के मुताबिक वायुसेना के 2 हजार विमान एs इलाका के आतंकी के शिविर पs करीब 1000 किलो के बम गिरवले। पाकिस्तान के एह कार्रवाई के जानकारी ले ना रहे। एह हमला के नाम बालाकोट एयर स्ट्राइक राखल गइल.
इहो पढ़ीं: सबेरे-सबेरे: बइठले – बइठले करीं ई एक्सरसाइज Memory Sharp करे खातीर
विंग कमांडर अभिनंदन वर्धमान
एह कार्रवाई के दौरान भारतीय मिग-21 बाइसन लड़ाकू विमान भी पाकिस्तानी एफ-16 लड़ाकू विमान के गिरा दिहलस। एह हमला में भारत के मिग-21 लड़ाकू विमान बालाकोट हवाई हमला में क्षतिग्रस्त होके पाकिस्तानी इलाका में गिर गइल आ ओकरा में मौजूद विंग कमांडर अभिनंदन वर्धमान के पाकिस्तानी सेना पकड़ लिहलस. हालांकि अभिनंदन वर्धमान के पाकिस्तान 1 मार्च 2019 के रिहा कs दिहलस अवुरी भारत सरकार अभिनंदन वर्धमान के ‘वीर चक्र’ से सम्मानित कईलस।
इहो पढ़ीं: अतवारी छौंक: ‘बात कुछ पुरनका दौर के ‘ अपने दौर के underrated एक्ट्रेस रहली ‘राखी गुलजार’
