लाइफस्टाइल डेस्क : एह घरी बदलत लाइफस्टाइल आ अनहेल्दी फूड्स के कारण हाई ब्लड प्रेशर के समस्या आम होत जा रहल बा। जदि हाई ब्लड प्रेशर के कंट्रोल ना कइल जाव तs एकरा कारण कइयन गो गंभीर बेमारियन के खतरा बढ़ जात बा। ई दिल के बेमारियन, स्ट्रोक आ किडनी प्रॉब्लम के खतरा बढ़ सकत बा। जदि रउआ भा राउर परिवार में केहूओ हाई ब्लड प्रेशर के समस्या से जूझ रहल बा तs ऊ अपना डाइट के खास ख्याल रखे के चाहीं।
हाई ब्लड प्रेशर से पीड़ित मरीजन के खाना में सोडियम के कम से कम इस्तेमाल करे के चाहीं। एकरा अलावे जादे ट्रांस फैट वाली चीज खाये से बचे के चाहीं। अच्छा बात ई बा कि कुछ फलन के डाइट में सामिल कs के रउआ एकरा के नेचुरली कंट्रोल कs सकत बा आ अपना दिल के स्वस्थ रख सकत बा। आज हमनी के रउआ सभन के एह लेख में अइसने फलन के बारे में बतावे जा रहल बा जवन ब्लड प्रेशर के कंट्रोल करे में मदद कs सकत बा।
केला
केला में भरपूर मात्रा में पोटैशियम पावल जाला। ई ब्लड प्रेशर के कंट्रोल करे में अहम भूमिका निभावत बा। ई सोडियम के असर के कम करत बा आ रक्त वाहिकन के रिलैक्स करेला। रोजाना एगो केला खाये से हाई बीपी के मरीजन के फायदा हो सकत बा।
संतरा
संतरा में विटामिन-सी आ एंटी ऑक्सीडेंट गुण पर्याप्त मात्रा में पावल जात बा। ई हाई ब्लड प्रेशर के समस्या में प्रभावी साबित हो सकत बा। जदि रउआ हाई बीपी के मरीज बानी, तs नियमित रूप से संतरा के सेवन करीं।
अनार
अनार में एंटीऑक्सीडेंट्स आ पोटैशियम के अच्छा मात्रा होला। ई दिल के सेहत खातिर बेहतरीन मानल जाला। एकरा से ब्लड प्रेशर कंट्रोल में रहेला। एकरा संगही अनार कोलेस्ट्रॉल के बैलेंस करे के काम करेला। रोज अनार के जूस पीयला से दिल के बेमारियन के खतरा कम हो सकत बा।
तरबूज
तरबूजा में पानी के मात्रा जादे होला, जवना से ई देह के हाइड्रेट रखेला आ ब्लड प्रेशर के कम करे में मदद करेला। ई फल बीपी के मरीजन खातिर बहुते लाभकारी बा। एमे पोटैशियम, लाइकोपीन, विटामिन-सी जइसन पोषक तत्व पावल जाला। जेकरा के हाई बीपी के समस्या बा, ऊ तरबूजा खा सकत बा। ई ब्लड फ्लो के बेहतर बनावेला।
कीवी
कीवी में मैग्नीशियम, पोटैशियम, विटामिन-सी आ आउर पोषक तत्व भरपूर मात्रा में पावल जाला। जे बल्ड प्रेशर के कम कर सकत बा। हाई बीपी के मरीज डेली डाइट में कीवी सामिल कs सकत बा लो। ई एह बेमारी में जादे प्रभावी मानल जाला।
