SSC CGL 2024: कर्मचारी चयन आयोग (SSC) संयुक्त स्नातक स्तरीय परीक्षा भा एसएससी सीजीएल खातिर रजिस्ट्रेशन विंडो आज बंद हो जाई। इच्छुक उम्मीदवार एकरा खातिर ऑनलाइन पंजीकरण आधिकारिक वेबसाइट- ssc.gov.in. पs जाके कs सकत बा लो। भर्ती अभियान के लक्ष्य लगभग 17727 रिक्तियन के भरे के बा।
एसएससी सीजीएल 2024 खातिर आवेदन शुल्क 100 रुपिया बा। महिला उम्मीदवारन आ अनुसूचित जाति (एससी), अनुसूचित जनजाति (एसटी), बेंचमार्क विकलांग व्यक्ति (पीडब्ल्यूबीडी) आ आरक्षण खातिर पात्र भूतपूर्व सैनिकन (ईएसएम) के उम्मीदवारन के आवेदन शुल्क में भुगतान से छूट दिहल गइल बा।
SSC CGL 2024: आयु सीमा आ शैक्षणिक योग्यता
पद के आधार पs आयु सीमा 18-30 बरिस, 20 से 30 बरिस, 18-32 बरिस आ 18 से 27 बरिस निर्धारित बा। आयु सीमा निर्धारित करे के कट-ऑफ तिथि 01 अगस्त, 2024 होई आ आरक्षित श्रेणी के उम्मीदवारन के ऊपरी आयु सीमा में छूट दिहल जाई।
एही तरे, शैक्षणिक योग्यता के जरूरतो पद के अनुसार अलग-अलग बा। उम्मीदवार विस्तृत जानकारी खातिर अधिसूचना देख सकत बानी।
SSC CGL 2024: चयन प्रक्रिया
उम्मीदवारन के चयन दु-स्तरीय कंप्यूटर-आधारित परीक्षा (सीबीई) के माध्यम से कइल जाई, जवना के बाद दस्तावेज सत्यापन दौर होई। अधिसूचना में कंप्यूटर आधारित परीक्षा के योजना आ पाठ्यक्रम के उल्लेख कइल गइल बा।
आयोग कहलस कि अंतिम परिणाम घोषित होखला के बाद उपयोगकर्ता विभागन के ओर से दस्तावेज सत्यापन कइल जाई।
SSC CGL 2024: न्यूनतम उत्तीर्ण मानदंड
- अनारक्षित वर्ग खातिर 30 प्रतिशत
- ओबीसी आ ईडब्ल्यूएस उम्मीदवारन खातिर 25 प्रतिशत
- आउर सब श्रेणियन खातिर 20 प्रतिशत
त्रुटियन के अधिकतम प्रतिशत (न्यूनतम अर्हता मानक) अनारक्षित वर्ग खातिर 20 प्रतिशत, ओबीसी आ ईडब्ल्यूएस उम्मीदवारन खातिर 25 प्रतिशत आ आउर सब श्रेणियन खातिर 30 प्रतिशत बा।
Comments are closed.