गोरखपुर से भाजपा उम्मीदवार रवि किशन नामांकन दाखिल कइलें। नामांकन से पहिले ऊ पत्नी प्रीती किशन के संगे गोरखनाथ मंदिर में रुद्राभिषेक कइलें। रवि किशन के संगे नामांकन के बेरा पिपराइच विधायक महेंद्र पाल सिंह, कौड़िया ब्लॉक प्रमुख बृजेश यादव के संगे एगो आउर प्रस्तावक रहस।
रवि किशन कहलें- ई हमार सौभाग्य बा कि हमरा नामांकन दाखिल करे के मवका मिल रहल बा। काशी के बाद गोरखपुर हॉट सीट बा। देस-दुनिया के निगाह गोरखपुर पs बा। इहां से I.N.D.I. अलायंस सपा नेता काजल निषाद के मैदान में उतारले बा। सातवां चरण में एक जून के गोरखपुर में वोटिंग होई।
गोरखपुर में अंतिम चरण में एक जून के मतदान
गोरखपुर में लोकसभा चुनाव के सरगर्मी तेज हो गइल बा। गोरखपुर में अंतिम माने सातवां चरण में एक जून के मतदान होई। सातवां चरण खातिर सात मई से नामांकन के प्रक्रिया सुरू हो गइल बा। बसपा प्रत्याशी जावेद सिमनानी सहित चार प्रत्याशी जहां आपन नामांकन दाखिल कs दिहल।
ओहिजा, आज सुक के गोरखपुर, बांसगांव, महराजगंज लोकसभा क्षेत्र में नामांकन होई। एह दौरान कमलेश पासवान आ केंद्रीय वित्त राज्य मंत्री पंकज चौधरी आपन नामांकन करिहें। बांसगांव लोकसभा क्षेत्र से इंडिया गठबंधन से कांग्रेस प्रत्याशी सदल प्रसाद आजे नामांकन करिहें।
रवि किशन के पक्ष में जनसभा करिहें सीएम योगी
सीएम योगी रवि किशन के पक्ष में एगो जनसभा के संबोधित करिहें। गठबंधन से सपा प्रत्याशी काजल निषाद आज नामांकन दाखिल करिहें। काजल निषाद के चुनाव प्रचार में सपा के राष्ट्रीय अध्यक्ष अखिलेश यादव आ सकत बाड़ें। उम्मीद बा कि ऊ चुनावी रथ लेके गोरखपुर के लोगन के बीच काजल के प्रचार खातिर पहुंचिहें।
चौरीचौरा में होई जनसभा
कांग्रेस प्रत्याशी सदल प्रसाद बतवलें कि नामांकन के बाद चौरीचौरा में माईधीआ (रामलीला मैदान) में दुपहरिया 12 बजे से जनसभा होखे के रहे। बाकिर, कवनो वजहन से जनसभा स्थगित हो गइल बा। अब ई जनसभा 14 मई के होई। एह जनसभा में सामिल होखे कइयन गो बड़ नेता लोगन के आवे के रहे।
साभार: दैनिक भास्कर
