बिहार के राजधानी पटना में सोमार के बड़ वारदात भइल। राजीव नगर में संगीतकार बृज किशोर दुबे के संदिग्ध मौत हो गइल। घर के बाथरूम में उनकर शव मिलल बा। बृज किशोर के हाथ बंधल मिलल बा। सूचना प पहुंचल पुलिस बतवलस कि पहिला नजर में टब में डुबाके जान लेवे के बात सामने आ रहल बा। ममिला के जांच कइल जा रहल बा।
बता दीं कि बृज किशोर दुबे राष्ट्रपति से सम्मानित लोकगायक आ संगीतकार रहले ह। जानकारी के मोताबिक ई फ्लैट बृज किशोर दुबे संगीत सिखावे खातिर अपना संघतिया के संगे मिलके किराया प लेले रहस। फिलहाल ममिला के जांच पुलिस क रहल बिया। FSL टीम के बोलावल गइल बा।