गुजरात प्रशासन शहर में अवैध निर्माण के खिलाफ बड़ कार्रवाई कs रहल बा। बियफे के रात से अबले करीब 36 गो बुलडोजर एह अवैध निर्माणन के गिरावे में लागल बाड़े. मलबा हटावे खातिर 70 गो ट्रैक्टर-ट्राली लगावल गइल बा। बतावल जा रहल बा कि एह जगह के इस्तेमाल सोमनाथ विकास परियोजना में कइल जाई. इहाँ सोमनाथ मंदिर के पीछे वाला हिस्सा में बहुत अवैध निर्माण के निर्माण भईल बा, ओकरा के हटावे खातीर प्रशासन के टीम पहुंचल बा। फिलहाल देर रात से एक्शन चलता, हालांकि एक्शन भी कुछ समय खातीर रोकल गईल रहे।
असल में गुजरात सरकार के बड़का बुलडोजर एक्शन सोमनाथ में चलत बा. एकरा से पहिले इहाँ के सर्वेक्षण महीना भर चलत रहे। सर्वेक्षण के काम पूरा होखला के बाद सोमनाथ मंदिर के पीछे सरकारी जमीन पs भईल अतिक्रमण के खाली कईल जाता। पछिला दु साल में इहाँ बहुत नाया काम भईल बा अवुरी एs कार्रवाई के बाद सोमनाथ मंदिर कॉरिडोर के निर्माण के काम में अवुरी तेजी आवे के उम्मेद बा। अतिक्रमण खाली करावे के अभियान देर रात से शुरू हो गइल. हालांकि एs कार्रवाई के जसही उहाँ स्थानीय लोग के भीड़ जुट गईल अवुरी हंगामा मचावे लागल। लोग भी कार्रवाई के रोके के कोशिश कईले, बाकिर पुलिस कवनो तरीका से उहाँ से लोग के हटा देलस अवुरी फेर से कार्रवाई शुरू हो गईल।
