लास वेगास में आयोजित कंज्यूमर इलेक्ट्रॉनिक्स शो (CES) 2025 में उल्ट्राह्यूमन रेयर के लॉन्च कइल गइल। बेंगलुरु इस्थित स्टार्टअप एकरा इस एगो लग्जरी स्मार्ट रिंग के रूप में पेश कइले बा, जवना के हॉलमार्क वाला गोल्ड भा सिल्वर से तइयार कइल गइल बा। अलग-अलग मॉडल के अनुसार, ई कइयन गो फिनिश विकल्पन में उपलब्ध बा।
उल्ट्राह्यूमन रेयर में ओह सब फीचर्स के सामिल कइल गइल बा, जवन आउर स्मार्ट रिंग्स में होला, जइसे कि फोटोप्लेथिस्मोग्राफी (PPG), सिक्स-एक्सिस मोशन सेंसर, हार्ट रेट ट्रैकर आ स्लीप इंडिकेटर। ई लग्जरी स्मार्ट रिंग कंपनी के स्मार्ट वियरेबल्स के लाइनअप में उल्ट्राह्यूमन एयर के संगे जुड़ गइल बा।
उल्ट्राह्यूमन रेयर के कीमत
उल्ट्राह्यूमन रेयर के कीमत GBP 1,500 (करीब 1,61,000 रुपिया) से सुरू होला आ GBP 1,800 (करीब 1,93,000 रुपिया) तक जाला। एकरा के जनवरी के बीच से पेरिस के प्रिंटेम्प्स आ लंदन के सेल्फ्रिजेस में किनल जा सकी। ई लग्जरी स्मार्ट रिंग तीन फिनिश में उपलब्ध होई, जेमे डेजर्ट रोज, डेजर्ट स्नो आ ड्यून सामिल बा।
उल्ट्राह्यूमन रेयर के स्पेसिफिकेशंस
डेजर्ट रोज आ ड्यून फिनिश 18 कैरेट रोज गोल्ड आउर 18 कैरेट गोल्ड से बनल बा। ई भारत के भारतीय मानक ब्यूरो (BIS) के ओर से हॉलमार्क्ड बा आ एकरा के लंदन बुलियन मार्केट एसोसिएशन (LBMA) से स्वीकृत रिफाइनरीज से प्राप्त कइल गइल बा। डेजर्ट स्नो फिनिश के क्रिस्टल क्लस्टर्स (जिप्सम भा बैराइट) से डिजाइन कइल गइल बा, जवन फ्लैट प्लेट्स के गोलाकार संरचना बनावेला।
ओहिजा, ड्यून वेरिएंट में बारीक नक्काशीदार ग्रूव्स बा, जे ब्रश्ड फिनिश प्रदान करेला। कंपनी के अनुसार, डेजर्ट स्नो वेरिएंट 95% प्लेटिनम से बनल बा आ ई PT950 प्लेटिनम से तइयार कइल गइल बा। एकर फ्रॉस्टेड फिनिश स्नोफ्लेक्स जइसन लागत बा।
स्वास्थ्य आ फिटनेस ट्रैकिंग खातिर सेंसर
उल्ट्राह्यूमन रेयर में कइयन गो सेंसर दिहल गइल बा, जवन स्वास्थ्य आ फिटनेस ट्रैकिंग में मदद करेला। एमे PPG सेंसर हार्ट रेट मॉनिटरिंग खातिर आ सिक्स-एक्सिस मोशन सेंसर सामिल बा। एकरा अलावा एमे नींद, गतिविधि (मूवमेंट), हार्ट रेट, हार्ट वेरिएबिलिटी (HRV), त्वचा के तापमान, तनाव स्तर (स्ट्रेस) मॉनिटर बा।
Read Also: Meta: मार्क जकरबर्ग बंद कइलें फैक्ट चेक प्रोग्राम, लॉन्च कइलें कम्युनिटी नोट सिस्टम
