भारत बनाम पाकिस्तान के बीच भइल शानदार मैच टीम इंडिया एक बेर फेरु जीत लिहले बिया. रोहित शर्मा के कप्तानी में टीम इंडिया पाकिस्तान के 6 विकेट से हरा के चैंपियंस ट्रॉफी के सेमीफाइनल में आपन जगहा के पुष्टि कईले बिया। मैच के दौरान विराट कोहली शानदार शतक बनवले अवुरी कमाल कईले। विराट कोहली के प्लेयर ऑफ द मैच के पुरस्कार भी दिहल गईल। एकरा संगे विराट कोहली अयीसन काम कईले बाड़े, जवन कि आज तक आईसीसी टूर्नामेंट में नईखे भईल। मतलब कि विराट कोहली दुनिया के अकेला खिलाड़ी बाड़े जे अयीसन कारनामा हासिल कईले बाड़े।
विराट कोहली 111 गेंद पs 100 रन के नाबाद पारी खेलले
चैंपियंस ट्रॉफी 2025 में भारत आ पाकिस्तान के बीच खेलल गइल मैच में विराट कोहली 111 गेंद पs 100 रन के नाबाद पारी खेलले. एकरा संगे उs दुगो कैच भी लेले। आईसीसी टूर्नामेंट में पाकिस्तान के खिलाफ विराट कोहली के ई पाँचवा प्लेयर ऑफ द मैच अवार्ड बा. विराट कोहली जवन काम पाकिस्तान के खिलाफ पांच बेर कईले बाड़े, उs काम बाकी दुनिया के कवनो खिलाड़ी तीन बेर से जादे नईखे कs पावत। मतलब कि कवनो आईसीसी टूर्नामेंट में एके टीम के खिलाफ सबले बेसी बेर प्लेयर ऑफ द मैच के पुरस्कार जीतल.
इहो पढ़ीं: भक्तिमय सोमार: ‘श्रद्धा के सागर’ धरती चीर के बाहर निकलल रहे गोरखपुर के मां काली के प्रतिमा
विराट कोहली के ई पुरस्कार पहिला बेर साल 2012 में पाकिस्तान के खिलाफ मिलल रहुवे
विराट कोहली एह सफर के शुरुआत साल 2012 में कइले रहले. टी-20 विश्व कप ओह साल भइल रहे. विराट कोहली पाकिस्तान के खिलाफ 61 गेंद पs नाबाद 78 रन बनवले रहले. ओकरा बाद उनुका के ओह पारी खातिर प्लेयर ऑफ द मैच के अवार्ड दिहल गइल. एकरा बाद जब साल 2015 में वन डे विश्व कप खेलल गइलडेs एडिलेड में भइल एह मैच में विराट कोहली 126 गगइलडेs 107 रन बनवले रहले. एह मैच में भी विराट कोहली के सर्वश्रेष्ठ खिलाड़ी घोषित कइल गइल। साल 2016 में जब टी-20 विश्व कप में भारत आ पाकिस्तान के टीम फेरू आमने सामने आइल तs कोहली 37 गेंद पs नाबाद 55 रन बनवले रहले. कोहली एह मैच के बेहतरीन खिलाड़ी बन गइलन. साल 2022 में टी-20 विश्व कप में भारत आ पाकिस्तान के बीच एगो अउरी मैच होई। एहमें कोहली 53 गेंद पs नाबाद 82 रन बनवले. एकरा बाद चैंपियंस ट्रॉफी मैच में 111 गेंद पs नाबाद 100 रन बनवले आ मैच के खिलाड़ी के पुरस्कार दिहल गइल.
इहो पढ़ीं: भक्तिमय सोमार: ‘श्रद्धा के सागर’ भक्तन के कुल कष्ट दूर करेली गोरखपुर के ‘मां करवल देवी’
कोहली टीम इंडिया के जीत के ओर ले गईले
दुबई में खेलल गइल एह चैंपियंस ट्रॉफी मैच के बात कइल जाव तs विराट कोहली तब क्रीज पs आ गइलन जब रोहित शर्मा महज बीस रन बना के आउट हो गइलन. तब टीम के स्कोर महज 31 रन के रहल. पहिले शुबमन गिल के साथे मिल के ऊ तय कइलन कि विकेट जल्दी ना गिरे के चाहीं आ ओकरा बाद जब पिच समुझ गइल तs रन बनावे लगलन. शुभमन गिल, श्रेयस अय्यर, हार्दिक पांड्या एक छोर से छोट बाकिर कीमती पारी खेलला के बाद आउट हो गइलन बाकिर कोहली बढ़त बनवले रखलन. आखिर में ऊ ना खाली चौका मार के आपन शतक पूरा कइलन बलुक टीम इंडिया के धमाकेदार जीत भी दिहलन.
इहो पढ़ीं: सबेरे-सबेरे: करीं इs योगासन, लिवर के कमजोरी के करी दूर
