गोरखपुर। ताल रिंग रोड पs सुक के सबेरे तेज रफ्तार कार मोहद्दीपुर जा रहल विष्णुपुरम कॉलोनी निवासी हिमांशु मिश्रा के बाइक में टक्कर मार देलस। सड़क पs गिरल हिमांशु के गंभीर इस्थिति में पहिले एम्स आ फेर एगो निजी अस्पताल में भरती करावल गइल, बाकिर बचावल ना जा सकल। लखनऊ रेफर कइल गइला के दौरान सांझ के उनकर मौत हो गइल। हादसा के बाद कार सवार मवका से फरार हो गइल। कैंट थाना पुलिस सीसी कैमरा फुटेज के मदद से कार सवार के तलाश कs रहल बिया।
सुक के सबेरे लगभग 7:30 बजे, हिमांशु मिश्रा (28), निवासी विष्णुपुरम कॉलोनी, दिव्यनगर, अपना बाइक से मोहद्दीपुर के ओर जात रहस। जइसही उ ताल रिंग रोड के लगे पहुंचलें, सामने से आ रहल तेज रफ्तार कार बाइक में जोरदार टक्कर मार देलस। प्रत्यक्षदर्शियन के मोताबिक, टक्कर एतना जबरदस्त रहे कि हिमांशु सड़क पs दूर तक घिसटात चल गइलें आ गंभीर रूप से घायल हो गइलें।
हादसा के सूचना मिलतही आस-पास के लोग दउड़के पहुंचलें आ कैंट पुलिस के सूचना देलें। परिजन मवका पs पहुंचल लोग आ हिमांशु के पहिले एम्स गोरखपुर ले गइल लोग, जहां प्राथमिक उपचार के बाद उनका के एगो निजी अस्पताल में शिफ्ट कइल गइल। बाकिर हालत गंभीर होत गइल आ सांझ के लखनऊ ले जात घरी रस्ता में उनकर मौत हो गइल।
Read Also: गोरखपुर-साबरमती एक्सप्रेस ट्रेन अब थावे से चली, रेलवे टाइमिंग के संगे जारी कइलस रूट चार्ट
