कार्तिक कृष्ण पक्ष के त्रयोदशी तिथि के धनतेरस के परब मनावे के परंपरा बा। धनतेरस में पांच दिन के दिवाली पर्व के शुरुआत भी होला। धनतेरस के परब दिवाली पर्व के पहिला दिन मनावल जाला। एकरा बाद नरक चतुर्दशी, दिवाली, गोवर्धन पूजा आ अंत में भईया दूज के परब मनावल जाला। बता दीं कि धनतेरस के दिन बाजार से कुछ खरीदे के परंपरा बा। खास तौर पs सोना, चांदी के सामान अवुरी गाड़ी खरीदल जरूरी बा। धनतेरस के दिन घर में कवनो चीज के आगमन साल भर सुख के आगमन जइसन होला। धनतेरस के दिन नया शुभ चीज खरीदला से 13 गुना अधिका परिणाम मिलेला। तs जानीं धनतेरस पs वाहन खरीदे के शुभ समय का होई।
धनतेरस 2024 गाड़ी खरीदे के सबसे बढ़िया समय
हिन्दू धर्म में धनतेरस के पूरा दिन शुभ मानल जाला। बाकिर दोसर चीज आ वाहन खरीदे के शुभ समय 29 अक्टूबर के सबेरे 10:31 बजे से शुरू हो जाई जवन अगिला दिने यानी 30 अक्टूबर 2024 के दुपहरिया 1:15 बजे खतम हो जाई. गाड़ी खरीदे के इहे सबसे बढ़िया समय होई।
वाहन पूजा विधि आ नियम
*पहिले लाल चंदन से वाहन पs स्वस्तिक बनाईं।
* अब ओकरा पs चावल यानी अक्षत छिड़क दीं।
*एकरा बाद मोली के टुकड़ा लेके स्वस्तिक पs चढ़ावल जाव।
*ओकरा बाद वाहन के आरती कर के नारियल फोड़ी।
*पूजा के बाद गाड़ी पs कलावा बान्ह के अगिला पूजा ले
एह कलावा के ना हटाईं।
*ध्यान रहे कि पूजा के बादो गाड़ी बाहर ना निकाले।
*लोहा के इस्तेमाल ज्यादातर वाहन में होला आ लोहा के संबंध शनि ग्रह से होला।
*धनतेरस के दिन वाहन के पूजा करके शनि देव के साथे अन्य ग्रहन के भी पूजा कइल जाला।
Comments are closed.