दक्षिण के दिग्गज सिनेमा अभिनेता शिहान हुसैनी अब एह दुनिया में नइखन. चेन्नई के अस्पताल में इलाज के दौरान शिहान हुसैनी के मउत हो गईल। अभिनेता शिहान हुसैनी ब्लड कैंसर से पीड़ित रहले। मंगल के दिने उनकर परिवार ई जानकारी दिहलस आ बतवलस कि अभिनेता के निधन हो गइल बा. उनुकर परिवार के लोग फेसबुक पs जानकारी देले कि उनुकर शव उनुका बेसेंट नगर स्थित आवास पs सांझ ले राखल जाई। अभिनेता 60 साल के उमिर में आखिरी सांस लेहले रहले, उनुकर कैंसर के इलाज बहुत दिन से चलत रहे। उनुका निधन से परिवार गहरा दुखी बा। शिहान अपना परिवार के बहुत करीबी रहले। दक्षिण सिनेमा में भी शिहान के बड़ा हैसियत रहे। उs कई गो दिग्गज सुपरस्टारन के मार्शल आर्ट के प्रशिक्षण देले रहले। एह सितारन में पवन कल्याण आ थलपति विजय जइसन बड़का नाम शामिल बाड़े.
परिवार इs पोस्ट कईलस परिवार के ओर से जारी पोस्ट में कहल गईल बा कि, ‘हमरा इs बतावत बहुत दुख होखता कि एचयू (शिहान हुसैनी) हमनी के छोड़ के चल गईल बाड़े।’ एचयू साँझ ले बेसेंट नगर स्थित आवास पs रही. हुसैनी आ परिवार, कामना/महिमा।’ एगो अउरी पोस्ट में लिखल रहे कि, ‘प्रिय तीरंदाज, माता-पिता आ कोच लोग, जे भी एचयू के घरे पार्थिव शरीर देखे आवत बा, उs आपन वर्दी , हो सके तs आपन धनुष-बाण लेके आईं।’ उनुकर लाश साँझ सात बजे ले जन देखे खातिर राखल जाई. सभे तीरंदाज शाम 5 बजे कुछ तीर चला दिहे। एकरा अलावे कराटे के साधक दुपहरिया तीन बजे आपन किट लेके चहुँप जइहें आ ओकरा बाद कटस के प्रदर्शन होखी. साँझ सात बजे का बाद उनकर शव दाह संस्कार खातिर ले जाइल जाई. असल में शिहान हुसैनी अभिनेता होखे के अलावे एगो मजबूत मार्शल आर्ट ट्रेनर अवुरी तीरंदाज रहले।
इहो पढ़ीं: भक्तिमय सोमार: ‘श्रद्धा के सागर’ धरती चीर के बाहर निकलल रहे गोरखपुर के मां काली के प्रतिमा
